4 YEARS EGYPTOZ

3 YEARS EGYPTOZ

اول حوار مع ولد شاب صاحب مدونه ايجيبت طظ بمناسبه مرور 3 سنوات على انشاء المدونه

وايتيكاى: فى البدايه نحب تعرفنا عن ولد شاب ، مين ولد شاب؟
ولد شاب: ولد شاب ولد شاب
وايتيكاى:لأ مش من اولها كده ، لأ بجد انت مين، عندك كام سنه، ساكن فين، بتدرس و الا بتشتغل، متجوز و الا عازب؟
ولد شاب:بصى ، اول ما بدأت المدونه كنت عاوز اخليها صفحه خاصه ليه ، ادون فيها افكارى ، اتكلم فيها مع نفسى على راحتى ، و كنت وقتها ممكن اكشف عن نفسى ، بس حاسيت إن الموضوع ده حايخنقنى ، مش حاعرف اقول اللى بقوله دالوقتى ، و اهو الموضوع كمل، بس عـا
وايتيكاى:يعنى لغـايه
ولد شاب: بس عارف إن نهايته قربت
وايتيكاى:يعنى لغايه دالوقتى ما حدش يعرف انت مين؟
ولد شاب:لأ فى ناس عارفه
وايتيكاى:كام واحد
ولد شاب: مش عارف ، بتهيألى خمسه
وايتيكاى: و همه متابعين للمدونه بتاعتك؟
ولد شاب: مش عارف برضو ، اكيد مش كلهم ، من تلات سنين لما قلتلهم انى عندى مدونه
وايتيكاى:ايجيبت طظ ،جاتلك منين فكره الاسم ده؟
ولد شاب:من زمان و انا عاوز اسيب مصر، بكرهها بشده ، و ناس تقول لى ليه ، اقول لهم علشان كذا و كذا و كذا ، و قولت ليه ما اكتبش فى المدونه عن كل الاسباب اللى مخليانى عاوز اسيب مصر ، و اقول لهم بصوا ، عاوزين تعرفوا عايز اسيب مصر ليه ، اقروا ايجيبت طظ ، بس انتى عارفه، بعد سنه من الكتابه حاسيت إن مصر دى حلوه اوى ، و المشكله مش فى مصر ، المشكله فى الناس اللى عايشه على ارض مصر
وايتيكاى:و حاتحتفل بكره بعيد ميلاد المدونه ازاى؟
ولد شاب:لغايه الوقتى ماعرفش ، ممكن اخرج مع صحابى ، ممكن اقعد فى البيت ، و حانشر الحوار ده اكيد
وايتيكاى:تلات سنين مده طويله ، هل كنت تتخيل إنك تقعد المده دى كلها؟
ولد شاب:بصراحه لأ...كنت فاكر حادون شهرين تلاته و ازهق
وايتيكاى:طب عاوزينك تحكلنا ازاى ابتدى معاك موضوع التدوين؟
ولد شاب:ياااه ، بتفكرينى بوقت كان صعب اوى عليه،كنت مخنوق مالبيت،و وقتها سيبت اهلى و روحت عيشت فى شقه قديمه،و يوم ما ابتديت ادون كان تانى يوم بعد نهايه علاقه حب طويله، و كنت متأثر جدا وقتها،و كنت حاسس بوحده شديده، و بادور بأى شكل على حد اتواصل معاه على شبكه الانترنت، بدأت بغرف الدردشه ، لغايه ما اكتشفت مدونه منالا، و شعرت بإن ليه اسره تانيه، بالرغم من انى عمرى ما شوفتهم و الا اعرفهم، كانوا عاملين مدونه بيحكوا فيها عن حياتهم و حاطين صورهم الخاصه كمان، قولت ليه ما اعملش مدونه انا كمان و احكى فيها عن يومياتى
وايتيكاى:قصدك مدونه علاء و منال
ولد شاب:ايوه
وايتيكاى:و قابلتهم فى الحقيقه بعد كده؟
ولد شاب:تتصورى لأ، مع انى شوفت علاء كذا مره من بعيد زمان ايام المظاهرات بتاعت وسط البلد
وايتيكاى:انا ملاحظه فعلا انك فى اول المدونه كنت بتكتب كتير ، تقريبا كل يوم ، ايه اللى حصل؟
ولد شاب:اه فعلا، انتى عارفه لما الواحد يكتشف حاجه جديده و يبقى مبسوط بيها،بيدمن عليها،و انا كنت مدمن تدوين، كنت فاكر حابقى صحفى و اغطى اخبار المنطقه،ايام العبط بقه،بس بعد فتره زهقت،و فى اوقات كنت عاوز اوقف زى فى عيد ميلاد المدونه التانى ، و كنت
وايتيكاى:ده انت الوقتى بقيت بتكتب موضوع او موضوعين فى الشهر
ولد شاب:ايوه،ما انا كنت عاوز اقول إن الاول كان التدوين بتاعى عامل زى اليوميات الشخصيه،بعد كده بقيت بتكلم عن كل حاجه
وايتيكاى:و كان ايه السبب انك عاوز توقف تدوين؟
ولد شاب:اسباب شخصيه ، احيانا كنت باشعر إن حياتى بقت المدونه و مش الحياه الحقيقيه،عايش جوه اوضه و قافل على نفسى و باكلم نفسى
وايتيكاى:هل انت شايف بفرق فى مدونتك زمان عن دالوقتى؟
ولد شاب:مش فاهم السؤال ،فرق فى ايه؟
وايتيكاى:يعنى شايف إن زمان كان فى متعه فى التدوين اكتر، ناس بتدخل اكتر
ولد شاب: و الله انا قلت كذا مره فى المدونه إن موضوع الناس تدخل على المدونه موضوع مايهمنيش اوى على قد ما يهمنى انا باكتب ايه،اصل انتى عارفه التدوين ده بيعمل عندى اشباع خاص،و فى السنه الاخيره بقى يهمنى الكيف عن الكم،المضمون يعنى،علشان اكون صريح معاكى،انا برضوانشغلت فى الفتره الاخيره عن التدوين،بس لو فى حاجه عاوز او لازم اقولها ، حاكتب عنها عالطول
وايتيكاى:هل التدوين اثر فى حياتك؟
ولد شاب:بالتأكيد،اولا خلانى احس إن ليه معنى و صوت ممكن يوصل لكل العالم،و بعدين خلانى اطلع حاجات كتيره جوايه كنت حانفجر أو اتجنن لو ما كنتش طلعتها ، كنت فاكر، و على فكره لغايه الوقتى باؤمن إن ممكن كلمه او جمله كاتبها تأثر فى حد ما عرفوش ، و علشان كده حبيت فكره التدوين
وايتيكاى:بالمناسبه ليه فى بوستات باللغه الانجليزيه و بوستات باللغه العربيه؟
ولد شاب:مزاجى بقه
وايتيكاى:طب انا ملاحظه إنك فى كل بوست تقريبا بتضيف ليها صوره او اكتر من صوره،هل فى سبب معين؟
ولد شاب:لأ خلينى ارد على السؤال اللى قبليه الاول،بصى فيه مواضيع باحس إنها تنفع بالعربى احسن،و فى مواضيع ما تجيش غير بالانجليزى،و بعدين فى ناس مالعالم ممكن تدخل على المدونه، الحاجات اللى يهمنى الناس بره تقراها و تفهمها،باكتبها بالانجليزى،و الحاجات اللى يعنى ما يصحش تطلع بره، و خليها احسن بينا و بين بعض، تبقى بالعربى ، و ساعات بمزاجى
وايتيكاى:و فكره الصور؟
ولد شاب:اه الصور، بصى، مش حاقولك بقه اصل انا من زمان و انا باحب التصوير و كده،من الاخر انا ما بحبش افتح كتاب و الاقى كله كلام من غير صور،و المدونه بالنسبالى عامله زى كتاب و فيه صور
وايتيكاى:هل بتفكر فى يوم من الايام انك تحول مدونتك كتاب زى بعض المدونين ما عملوا؟

ولد شاب:ممكن،مش عارف،بس حاسس انها فكره غبيه
وايتيكاى:و ليه ما بتستخدمش زى فى بعض المدونات فيديو و موسيقى و وسائل اخرى غير الصور؟
ولد شاب:مش عارف،ما انا قولت لك المدونه عامله زى كتاب، على فكره ممكن فى المستقبل ابقى استخدم فيديو و موسيقى و كده ،بصى مش عارف
وايتيكاى:و ليه بتكتب بالعاميه؟علشان يوصل للناس اسهل؟
ولد شاب:لأ فى مواضيع كاتبها برضو باللغه العربيه الفصحى،و برضو بتقوليلى الناس، انا ما يهمنيش يفهموا و الا ما يفهموش
وايتيكاى: هل ممكن علشان انت ضعيف فى اللغه العربيه الفصحى؟
ولد شايف:ايوه عنديك حق،انا ضعيف فى اللغه الفصحى
وايتيكاى:ماشى يا ولد شاب، على فكره فى ناس بتقول انك عندك نوع من حب الذات
ولد شاب:انتى عندك مدونه؟
وايتيكاى:ايوه؟
ولد شاب: اسمها ايه؟
وايتيكاى:ما تهربش من الموضوع
ولد شاب: لأ قول لى بجد اسمها ايه؟
وايتيكاى:لأ مش دالوقتى، رد بقه على النقطه دى
ولد شاب:بصى ده رأيك و رأيهم، اللى يعرفنى كويس يعرف انا عندى حب الذات اللى بتقولى عليه ده و الا لأ
وايتيكاى: و بالذات انك فى اخر بوستات ابتديت تتكلم بلهجه إن الناس مش فاهمه و ما بتستوعبش كلامك و محتاجين يتنوروا و يتعـ
ولد شاب: شوفى بترجعى لموضوع الناس ده ازاى،خلاص انا اذكى واحد فى العالم
وايتيكاى:مش انا اللى برجع، انت اللى كاتب كده، ممكن تشوف بنفسك انت كاتب ايه
ولد شاب:انا فاهم انتى قصدك على ايه،اصل انا متنرفز بصراحه من إن ناس كتيره بقت سطحيه و ما بتدورش ايه اللى ورا الموضوع، ما بتحاولش تعمل مجهود انها تفهم و تتعمق
وايتيكاى: ايوه ايوه
ولد شاب: فحابيت اساعد اللى بيقرا إنه
وايتيكاى:ايوه،طب قول لى إيه
ولد شاب: شوف انتى بتقاطعينى ازاى، انا قاطعتك و انتى بتتكلمى
وايتيكاى:اتفضل اتكلم
ولد شاب:اكيد انا عارف إن فى ناس بتقرا اللى باكتبه، بس من التعليقات اللى بيكتبوها حاسيت إن المعلومه او الفكره اللى باكتب عنها ما بيفهاموهاش
وايتيكاى: طب ما فاكرتش إنك انت اللى مش عارف توصل الفكره للى بيقروا مدونتك
ولد شاب:ممكن برضو، ماشى يا وايتيكاى ، ايه الاسم ده؟

وايتيكاى:قول لى إيه الموضوع اللى لسه عاوز تكتب عنه قريب؟

ولد شاب:انتى عارفه بتحسسينى بإيه،بممثل تافه قاعد ادام المذيعه و بتسأله إيه الدور اللى نفسك تلعبه و لسه ما لعبتوش،انا فى مواضيع كتيره كتبت عنها و ماتنشرتش،بيبقى معايه قلم و ورقه و لما يجي حاجه فى بالى بكتب جمله عنها علشان عندى ازمه ميمر
وايتيكاى:طب حاسألك عن حاجه تانيه، قول لى إيه اكتر موضوع كتبته و اثر فيك؟
ولد شاب:ايه اكتر موضوع كتبته و اثر فيه؟ سؤال غريب بس حاجاوب عليه، فى موضوع كان عن صديق عزيز ليه توفاه الله اسمه كريم،و الموضوع ده حتى مش فاكر بس متهيألى ما حدش علق عليه حتى،و موضوع يموت و يحيى،الموضوع ده برضو كان صعب عليه اوى،صعب كمان فى كتابته، و مواضيع تانيه كتير،زى موضوع البنت اللى كنت باحبها و سابتنى ، و لما صاحبى اتقبض عليه و دخل السجن ، و لمـ
وايتيكاى:و إيه اكتر موضوع كنت فاكر إنك حايجيلك عليه تعليقات كتيره و ما جالكش
ولد شاب: هوه ده برضو ، الموضوع بتاع كريم اليتيم
وايتيكاى:و ايه اكتر موضوع بعد ما كتبت عنه،ندمت عليه و كنت عاوز تمسحه؟
ولد شاب: ما فيش اى موضوع اتنشر و ندمت عليه،لو فى موضوع حاندم عليه بعد ما انشره يبقى مالهوش لازمه من الاول انى انشره
وايتيكاى:و موضوع فلسطين
ولد شاب:اااه ،انا فهمت انتى قصدك على ايه، و على فكره مش عاوز اتكلم عن الموضوع ده
وايتيكاى:ماشى ولد،اكيد سمعت عن فكره إنك بتفبرك القصص اللى بتكتبها
ولد شاب: لا تعليق
وايتيكاى:ولد شاب، احنا مش جايين نعمل الحوار ده علشان نقول لا تعليق
ولد شاب:بصى بقه،تقريبا كل المواضيع اللى كاتب عنها يا إمه حصلت ليه يا إمه حصلت لحد اعرفه، بس كلها حقيقيه
وايتيكاى:و كمان اسلوب الكتابه بتاعتك و اختيار المواضيع ،بتحب تعمل انت بيها اثاره
ولد شاب: اللى عاوز يدخل المدونه بتاعتى يدخلها هوه حر، انا ما باغصبش على حد يدخلها،اثاره مين بقه؟
وايتيكاى:و مواضيع كتيره استخدمت فيها الفاظ تخدش الحياء و مصطلحات جنسيه
ولد شاب:زى ما قولت لك ، انا باكتب زى ما انا عاوز اكتب، على مزاجى ، ما تزعليش منى بس دى مدونتى و انا حر فيها، فاضل اسئله كتير
وايتيكاى:ممم، طب ايه السبب وراء اختيار اسم ولد شاب؟
ولد شاب: سر
وايتيكاى:بص شخصيتك حاتبان من اسلوبك فى الحوار، كنت فاكراك حاجه تانيه ، و فكره الغموض اللى انت عايش فيها فاكر انها حاترجع لك بفايده ، بس مش بتضحك على حد غير على نفسك
ولد شاب: ايه السؤال ده؟
وايتيكاى:خالينا نروح لموضوع مهم،اكيد سمعت عن المدونين اللى اتمسكوا و اتحبسوا بسبب ارائهم السياسيه أو الدينيه و خاصه اللى بتعارض الحكومه
ولد شاب:ايوه و بصراحه
وايتيكاى: انا لسه ما قولتش السؤال
ولد شاب: ماشى
وايتيكاى:هل ممكن تتخيل انك فى يوم تتمسك بسبب آرائك فى المدونه؟

ولد شاب: ـ
وايتيكاى:ايه؟ما قولتش حاجه
ولد شاب:آه،ليه لأ،اى حد فى الزمن ده ممكن يحصل له اى حاجه،ساعات فعلا كنت بسأل نفسى، هل الكلام اللى انا كاتبه ده ممكن يعمل حاجه،ممكن يضايق حد،علشان كده بحاول بقدر الامكان إنى ماجرحش حد
وايتيكاى:و ايه رأيك عامه فى موضوع القبض على المدونين؟
ولد شاب:اكيد طبعا لازم كل واحد له مدونه انه يكون ليه الحريه الكامله فى التعبير عن رأيه،بس فى ناس بتزودها حبتين
وايتيكاى:زى مين؟
ولد شاب: همه عارفين نفسهم
وايتيكاى: و انت ما بتزودهاش؟
ولد شاب:لأ ما بزودهاش
وايتيكاى:هل فيه مدونات معينه بتابعها؟
ولد شاب:لأ
وايتيكاى: و الا مدونه؟
ولد شاب:حاتقولى لى إيه الغرور ده ، يعنى ساعات بقرأ شويه مدونات
وايتيكاى:يعنى سمعت عن الوعى المصرى
ولد شاب:ايوه
وايتيكاى:و ايه رأيك فيها؟
ولد شاب:كويسه
وايتيكاى: كويسه،اوكيه، و رأيك ايه فى حركه الصحافه الشعبيه أو التدوين عامه فى مصر؟
ولد شاب:زمان كنا قليلين، الوقتى بقيت حاسس إن كله بقى عنده مدونه،مش عارف، الموضوع بقى مالهوش طعم،اهو كلام و خلاص، رغى و فضفضه،بس فى مدونات فعلا بتكشف عن حقائق و بتقول عن اخبار عمرنا ما كنا حانعرفها من غيرها

وايتيكاى:شوفت قبل كده مدونين فى الحياه الواقعيه؟

ولد شاب:ايوه كتير،فى بعض لقاءات المدونين ، بس متهيأليش انهم كانوا عارفين انى ولد شاب بتاع ايجيبت طظ
وايتيكاى:طب هل انت راض عن مدونتك؟
ولد شاب: الحمد لله
وايتيكاى:كام فى الميه؟
ولد شاب:مش عارف،ممكن 70 فى الميه
وايتيكاى:كنت فاكره حاتقول 99 فى الميه
ولد شاب:طب انتى تدى كام فى الميه للمدونه بتاعتى؟
وايتيكاى:ممم،60 فى الميه
ولد شاب:طظ فيكى
وايتيكاى:شوف اسلوبك فى الحوار مش ظريف ازاى،حاول تتقبل النقد يا ولد يا شاب
ولد شاب:نقد ايه،هوه انتى نقدتى خالص، انتى قولتى 60 فى الميه و سكتى ، انا بهزر معاكى على فكره
وايتيكاى: طيب و شايف مدونه ايجيبت طظ بعد خمس سنين حاتبقى شكلها ازاى؟
ولد شاب: الله اعلم،ممكن ابقى مت
وايتيكاى:اااه،فكره الموت دى مسيطره على كتير من بوستاتك، ايه السبب؟
ولد شاب:ممكن نكمل الحوار الممل ده بعدين ، انا لازم امشى؟
وايتيكاى:طب استنى ، إيه السؤال اللى انت كنت فاكرنى حاسألهولك و ما سألتوش؟
ولد شاب:انتى حاتعملى زى البرامج اللى فى التلفزيون؟
وايتيكاى:ماشى يا ولد شاب، على العموم أنا سعيده انى عملت معاك الحوار الغريب ده ، غريب بجد ، و بقول لك كل سنه و انت طيب
ولد شاب: و انتى شريره
وايتيكاى:شكرا
ولد شاب:العفو

أنا آسف

اللى يعرف المدونه دى يعرف إنى من زمان باكتب بالاسلوب العكسى فى بعض المواضيع...و الاسلوب العكسى فى الكتابه مش جديد...له مميزاته و عيوبه...فى بعض المواضيع بلاقى إن الاسلوب ده هو الانسب للاستخدام فى التعبير عن فكره معينه...فإلى جانب إنه بيلقى الضوء على وجهات نظر مختلفه غالبا لا تتفق مع وجهات نظر معظم القراء...و بالرغم من إنه من اعنف اساليب البروفوكيشن فى الكتابه...إلا إنه فى رأيى الشخصى بيؤدى إلى التعمق اكثر فى التفكير و التحليل...إذا كان الكل بيذهب بتفكيره إلى جهه اليسار..فهذا الاسلوب يعطى للقارىء فرصه تجربه الذهاب بتفكيره إلى اليمين قليلا...ليلقى نظره على رأى و فلسفه مختلفه...ثم يرجع مره آخرى ليدعم رأيه السابق بوجهات نظر اكثر عمقا و اقناعا...و هنا مدرستين فى النقطه دى...مدرسه تحب إن القارىء يبقى عارف كل آراء الكاتب واضحه المعالم مسبقا...و المدرسه الجديده هى حيره القارىء فى معرفه إلى أى صف يقف هذا الكاتب...فى مذيع يحب عندما يلتقى بضيفين كل واحد منهما ضد الآخر...لا يحب أن يقف بجانب أى جهه من الجهات...و لكن يحب يطرح الموضوع و وجهات النظر المختلفه بكل حياديه...و فى مذيع يحب الناس تبقى عارفه رأيه بصراحه...و لا مانع له إنه يظهر رأيه المخالف لرأى الضيف اللى بيحاوره...أنا شخصيا باستمتع بمعرفه و طرح افكار اشخاص آخرين...الممثل اللى بيتقمص شخصيه هتلر...مش معناه إنه شرير فى الحقيقه أو إنه بيتفق مع آرائه...و علشان كده من عيبوب الكتابه بالاسلوب العكسى إنه فى بعض الاحيان بيجعل الموضوع يفقد مصداقيته خاصه لو الكاتب ما بيعرفش يلعب بأفكاره و ادواته صح...و كمان الاسلوب ده ممكن تجرح ناس كتير...و تكره ناس اكتر فى الكاتب الى بيكتب بالاسلوب ده...و أنا كان يهمنى أوى بالرغم من تلذذى الشديد بالكتابه بهذا الاسلوب و خاصه باللغه العاميه...إنى فى نهايه الموضوع اعطى لمحه خفيه بسيطه إنى اللى مكتوب ده لا يعبر عن آرائى الشخصيه فى الموضوع...مثلا زى فى بوست "اهلا بالتحرش...و عقبال الاغتصاب" لما كتبت فى النهايه إن ده مش رأيى...أو موضوع " الن*ك الحلال "... أو لما كتبت "كان نفسى ابقى شاذ" كنت عاوز اطرح آراء واحد عن الشواذ و القارىء له الحريه فى أن يرى هل وجهات نظره مقنعه أم لا...أو فى موضوع " أنا مش موزه" لم اعلق على كل التعليقات اللى اتبعتت...لإنها مبعوته للشخصيه دى...و بالرغم إنها شخصيه حقيقيه...و بالرغم من إنى عرضت موضوعها كإنى أنا هى...إلا إنى مقدرش ارد على التعليقات بالنيابه عنها...و هى ما رضيتش ترد بعد ما ورتلها التعليقات لأسباب خاصه بها و أنا احترم رد فعلها...و على فكره معظم الموضوعات اللى بتتكتب بالاسلوب العكسى ما اقدرش ارد عليها...لإنه مش رأيى الشخصى...و لاحظت إن معظم التعليقات بتبقى يا إما للبريد الالكترونى الخاص يا إما انونيموس...مش عارف ليه... أو لما اكتب عن الالحاد مش معناه إنى ملحد...ميكو صديقى له دور إنى اتحاور مع زميله الملحد لاعرف وجهات نظره فى الموضوع ده...و اطرحه بالاسلوب العكسى فى المدونه...و لما اكتب عن موضوع القضيه الفلسطينيه فى بوست "فلس طين" من وجهه نظر واحد غربى غبى كان ليه معاه حوار فى الموضوع ده...يبقى مش معناه إن ده رأيى...الناس اللى تعرفنى عارفه رأيى كويس اوى فى الموضوع ده...و ربنا ينصر اخواننا فى غزه إن شاء الله... بس لازم عقلنا يبقى متفتح شويه للاستماع إلى آراء الآخرين حتى لو كانت مستفزه و غير مقنعه...و بالرغم من انى لمحت فى آخر جمله فى البوست العبيط إن ده مش كلامى و لا رأيى...إلا إن فى ناس كتيره مش مهيئه إنها تتقبل اسلوب الكتابه ده...بتغوص اوى فى الموضوع...و على فكره على قد ما ده بيفرحنى إنه دليل على نجاحى البسيط فى توصيل وجهه نظر مغايره و مختلفه...على قد ما بيحزنى إن ناس مش قادره تفرق بين الكاتب فى محيط الكتابه و الكاتب خارج إطار الكتابه...لو نظرنا للمكان فى الصوره اللى تحت بطريقه عكسيه سنكتشف بعد آخر جديد للحقيقه... و على العموم أنا آسف إذا كنت جرحت مشاعر أى حد بالاسلوب ده و اوعدكم إنى مش مش حـ(ق)ـكررها تانى...و السلام عليكم و رحمه الله و بركاته

البوستدهلازميتمسحوعلشانيتمسحلازمحديقراهوعلشانحديقراهلازمحديفهمهوعلشانحديفهمهلازمحديعلقعليهوعلشانحديعلقعليهلازمكاتبالبوستيردعليهوعلشانكاتبالبوستردعليه

انتهيت من تجربه تدوينيه شيقيه...ممكن بقى أسأل أى حد مر على المدونه دى فهم ايه من آخر تلات تجارب اللى موجودين هنا و هنا و هنا...دالغرض من التجارب البوستيه إنى اعرف اللى قابل بوست بيقابله ازاى...وعلشان الحق الغى معادى مع الدكتور...تصور... و متخافش...تأكد إنك مش فار تجارب

Please leave your comment after reading this post

فى جمله كده كتير بقولها ممكن ناس كتير تلاقيها مش ظريفه بس دى الحقيقه...و هو انى مش بكتب علشان الناس تقرا اللى بكتبه...لكن بكتب علشانى...اصل انا بحب نفسى أنا و بس...مابحبش حد غير نفسى و بس...أنا أنا هيفا...اكيد حد حايجى و يقول دى انانيه...و يقول امال بتنشرها ليه...ما ممكن تكتبها فى كراسه و تحفظها عندك فى درج المكتب...بصراحه ما عنديش رد للموضوع ده...علشان الناس اللى بترد ما بتفهمنيش...ناس هيفا...حد فاهم حاجه

ببساطه اول ما اكتشفت بلوجرز كنت وقتها انسان مكتئب من الحياه عايش لوحده فى بيت آيل للسقوط فى شتاء شديد البروده ...وحيد و لقى صديق اسمه بلوجسبوط يفضفض معاه...بدل ما كنت بمشى فى البيت من غير ما اتكلم ولا كلمه ايام و اسابيع...بقيت اكتب و اقرا اللى انا بكتبه...أنا و بس...و اعوذ بالله من كلمه أنا

ما علينا...المهم لقيت كمان ناس بترد عليا فى الكومنتس...و اكون كداب لو قولت انى ما كنتش بتبسط جدا لما الاقى فى حد بيكلمنى و اكلمه...يا يقول رأى يا اقتراح يا تعليق يا اى حاجه...المهم ده كان بيحسسنى إن المدونات دى حاجه حيه بتتكلم و بتتناقش...بالرغم من إن معظم...لأ كل بصراحه اللى بيعلقوا بيقولوا كلام فارغ فى فارغ...بس بصراحه موضوع الكومنتس ده ما كنتش بهتم بيه اوى...لإن زى ما قولت مش بكتب علشان ناس تقرا و بعدين تعلق

_

انا بس كنت عاوز اعرف ظاهره...هى مش ظاهره و الا حاجه...بس ملاحظه كنت بشوفه زمان لما كان عندى وقت فراغ كبير و كنت بقرا المدونات قبل نكستها...إن فى ناس كان بيكتبوا سطر و الا سطرين...كلمه او كلمتين...كلام قليل او كلام كتير...فارغ و مش فارغ...المهم إن الاقى عندهم يجى ستين كومنتس...ميت كومنتس...ميه خمسه و ستين كومنت...كنت بنهار...اجرى على الاوضه و اقفل على نفسى و اعيط...انزل تحت الملايه و اتبول غير اراديا...و اقول مش معنى الناس دى عندهم كل الكومنتات دى و انا ما عنديش و الا كومنتايه...صفر...بيفكرنى بصفر المونديال...كنت اقعد احسدهم احسدهم...و الغل كله فى قلبى...ليه...همه مين يعنى...المدونين التافهيين الهايفانيين دول...و عملت دراسه ميدانيه تفصيليه و وجدت الاتى

(1

يا امه الناس غبيه و ما بتفهمش اللى انا بكتبه

(2
يا امه انا فذ عبقرى و الناس مش فى مستوى انها تفهمنى

(3

على فكره النقطه الاولى تقريبا زى النقطه التانيه...آه صحيح...تتصور ما كنتش واخد بالى...و على فكره...هى مش يا امه انا فذ عبقرى...أنا فذ عبقرى فعلا

(4
يا امه الناس بتقعد تعلق تعلق فى مدونات و عقبال ما تيجى عندى تكون تعبت خلاص و فيصت ...بالمناسبه هو فيصت بالسين و الا بالصاد

(5
يا امه انا بكون خلاص قولت كل حاجه فى الموضوع اللى بتكلم عليه لدرجه إن الناس ما بتلاقيش خلاص حاجه تانيه تقولها

(6
يا امه الناس دى بتعرف بعض من زمان و صحاب بقى و نسايب و بيسلموا على بعض بالكومنتات...و انا ما عنديش صحاب...و ما فيش حد يعرفنى

(7
يا امه صاحب المدونه بينتحل صفات ناس مختلفه و بيعلق قال ايه متخفى...و انا ما بعملش كده

(8
يا امه الناس بتكتب حاجات مستفزه بتستفز اللى بيقراها لدرجه انه بيعلق عليها...و انا ما بستفزش حد خالص

(9
يا امه اللى بيقروا دول ما بيفهموش الانجليش اللى بانجلشه

(10
يا امه عمله اكن الواحد بينادى يامه

_

(10.5
يا امه أو يإمه أو يا إمه او يئِمه برضو العربى اللى بكتبه مش مفهوم

_

على فكره بقه...كل واحد بيعلق لازم ياخد باله إن تعليقه ده و الا بيودى و الا بيجيب...يعنى علق زى ما تعلق...و ما تعلقش زى ما تعلقش...يعنى تعليقه ده حيعمل ايه يعنى...و الا حاجه...اهو كلام فارغ و رغى و خلاص...فووو...اوعى لاحسن اعلقك...ياعِلق

يعنى ابقى بقشش علينا بكومنتايه...قول ازيك مثلا...هاى...أو أنا اهو...أو هاو ار يو ياواد...ياض

لا لا لا لا...نو نو نو نو...اوعى عقلك يلعب بيك و يقول لك إنى باشحت...إلا الشحاته...أنا ما باشحتش من حد

الخلاصه بقه لاحسن زهقت...المدونات بتختلف عن اى وسائل اعلاميه اخرى انها فيها تبادل آراء...يعنى ممكن كلمه منك يكون لها تأثير فى حد...و ممكن تعليق من حد يأثر فيك...من الاخر يعنى عاوز اقول إن الكومنتات دى هاجه هلوه

بس برضو الكومنتس ما بتهمنيش

يا راجل

أه...و لو بعد كل ده ما حدش علق عندى...حانتحر

بى.اس : فى لسه تلات نقاط ما ذكرتهمش علشان يكونوا إن شاء الله سبب و حافز إن حد يعلق و يقول التلات نقاط اللى ناقصين

بى.اس : نقطه من النقاط موجوده فى نقطه 6 فى رساله الماجستير الخطيره بلوجاوى سيندروم

بى.اس تانى معلش: لو ما فهمتش العنوان الانجليشى اللى فوق ... لو سمحت علق

_

Eggs of Ann

انت ولد شاب و عندك مدونه اسمها ايجيبت طظ و بقالك سنتين بتكتـءـب فيها و بعدين بطلت تكتــءـب فيها و الوقتى عاوز ترجع تكتـءـب فيها تانى و ترد على التعليقات اللى بتتكتـءـبلك و ما تبقاش العنوان

2 YEARS EGYPTOZ

Y3K

When you see this message then the worst thing has happened.
There is no internet in the world:.... :anymore..
Planet earth in peril.
I love you a1:l ….by.::e
You received this via quantum space teleportation 1650.
Whoever r:eads this : plea::::::…….::::hell::::::……….

بلوجاوى سيندروم

اثبتت الدراسات الحديثه ان مرض بلوجاوى سيندروم بدأ فعليا فى الانتشار بشكل ملحوظ و غريب بين صفوف المدونين ، و مما لا شك فيه ان بلوجاوى سيندروم اصبح يشكل تهديدا خطيرا على الساحه البلوجيه و لاسيما فى الشرق الاوسط و تحديدا حول حوض البحر النهرى النيلوى... بالبلدى يعنى فى مصر

وكما هو معروف فبلوجاوى سيندروم يبدأ من أول لما واحد يكون قاعد على الكمبيوتر و فاتح الانترنت و يتكعبل و يقع بالغلط فى براثين مدونه من مدونات شخص من الاشخاص المثيرين للجدل فيفتح بوقه و يقول واو... ما اعملى مدونه انا برضو...مش معنى هوه و انا لأ؟

و يظهر بلوجاوى سيندروم على شكل اعراض يمكن تلخيصها كالاتى

(1
تبلور احساس داخلى لدى البلوجاوى و يظهر فى اطار صوت بيوشوش وشوشه خفيفه فى العقل الباطنى و الشرجى للبلوجاوى و بيقول: يا اهبال... ده أنا اعظم بلوجاوى على الكوكب ده... ده أنا امير البلوجاويه قبل ما تتولد ام العمرانيه
(2
ابتداء البلوج بافتتاحيه قص الشريط الاحمر و القاء كلمه وهميه عن اهميه افتتاح مدونته و كيف انها ستحدث زلزال مدمر فى العالم كله و سوف تؤثر فى تطور البشريه فى كافه العلوم و المجالات الدنياويه و ما بعدها
(3
تطور الكتابه من موضوعات عن المدون و كيف انه تبرع بجزء من قلبه و كبده و وقته الثمين فى اتحافنا بافكاره العبقريه الفذذيه... إلى موضوعات عن احساسه ثم شعوره ثم الامه و بكائه عن العذاب الزفت و القرف اللى هوه عايشه ليل نهار فى الحاره اللى ساكن و واكل و نايم فيها... إلى حلوله الوهميه التى تتخطى حدود الذكاء البشرى و الغباء الاصتناعى لمشاكله الشخصيه و العاميه و الدوليه العالميه و ما بعد العولماتيه
(4
تركيب عداد نور علشان يعد عدد اللى بينوروه بدخول مدونته و يبدأ العد من رقم زائر 2000
(5
دخول مدونته اول ما يصحى من النوم و بعد ما يفطر و بعد الفطار بساعه و بعد الفطار بساعتين و كل ساعه علشان يطمن على ان كل واحد و واحده مخلوقين فى الحياه دى قروا و فهموا و استوعبوا و هضموا و حفظوا عن ظهر قلب اللى كتبه و هوه نايم
(6
مراجعه خزينه الكومنتات و التأكد من انها مليانه على اخرها و الرد على كل واحد معلق بكومنت منفرد حتى يشعر الذى علق انه شخص عزيز على صاحب المدونه و بالمره و فى الخباثه يزيد رقم عدد الكومنتات تلقائيا...و لو فى كومنت ما عجبوش كده و الا كده فلا بد من ازالته فورا...و لو فاضيه و محدش اودع كومنتايه فمافيش مانع انه يكتب كمنتايه لنفسه أو كمنتيتين...أو تلات كومنتيات...أو اربعه...أو عشره...أو
(7
توزيع بعض الاعترافات الشخصيه السريه و الموضوعات الحساسه اللى بتشك اكتر مالدبوس و تثير غرائز الكائنات الحيه مما يؤدى الى حدوث اجهاض متكرر لامهات الماشيه...ثم بلوره مدونته بإجبار الداخلين المساكين بالاستماع الى زمرده اغانيه الساديه الهابطه...و يزيد الطينه بله برشاشات من الجرعات الزائده لالفاظ اللى بتخدش الحياء و قليله الادب و بها تطش جنسى علشان مين فى الدنيا ما بيحبش الشتيمه القذره بمسحة سكس وسخيه
(8
اختباء البلوجاوى بأسم خفى و شعر مستعار حتى يحوم الغموض عن مصدر مدونته القنبلويه البيولوجوذريه
(9
بدايه النشاط البلوجاوى بنشر اتحوفته المدوناتيه بمعدل تلات ريالات فى اليوم... ثم يبقشش على الجماهير اللى مقطعه لباسها و شعر راسها انتظارا لرياله واحده منه باعطائهم تفه معتبره مره كل يوم... ثم يهبط سعر السهم و يصبح فسيه مره واحده كل اسبوع... ثم ينتهى الامر ببمبه مفرقعتيه مره واحده فى الشهر حتى يكون فى سجله البلوجاوى اثبات رسمى عن وجوده فى كل الشهور و لمده قرن من الزمان فى تاريخ الفضاء المدونتى
(10
نشر البوست ثم اعاده نشره مره اخرى ثم تغيير تاريخ نشره ثم اعاده تغيير تاريخ نشره حتى لا ينسى احد من البشر انه موجود لانقاذهم من الضلاله و ارشادهم إلى شعاع بلوجايته التنويرى
(11
دخول كل المدونات التى خلقت و المدونات التى لم تخلق بعد و مليها بكومنتاته الفريده و ارائه النادره التى يأكد فيها انه يواظب على دخول و متابعه المدونه الفلانيه من يوم ولادتها و حتى بعد الوفاه ... و الغرض الحميد البرىء هو انتشار امضاء اسمه و بالتباعيه اسم مدونته التى كسرت دنيا التدوين و حطمت الارقام القياسيه تحطيما فى انحاء الانترنت و خارجها... حتى يسهل الامر على الجاهل أو المتخلف الذى لم يسمع عن مدونته انه يدخلها حالا و مش بكره و لا بعد بكره بكليكايه واحده على امضائه الذهبى الموجود اعلى كومنتايته

(12
يتطور المرض النفساوى لمريض البلوجاوى سيندروم ببدايه ارق و قله نوم و هرش و ادمان على فتح مدونته ثم غلقها ثم فتحها بدون شعور و باستمرار و بتكرار و الى ما لا نهايه مع شعور ببواسير و تهقان و غممان نفس و عدوانيه تجاه المجتمع و العصافير و البقاء فى كهفه المظلم فى المنزل تحت السرير و امام شاشه كمبيوتره و عدم الرغبه فى رؤيه حيوان او انسان او اشجار فى اى زمان او مكان و عدم الطموح فى اكل اكلايه او شرب مايايه او تبول بيبيهايه و ينقطع المدون عن نشاطه البلوججى المحظور باكتئاب شديد يؤدى به الى مصيره المحتوم و ينتهى المطاف نهايه مأساويه بالانتحار و قطع اسلاك كمبيوتره و شرايي...ى...أى...أء ء ا ا ا ه ه ه ه

Velcro

I am not a good person , or better to say I want to be a good person but I can't , I think I am bad but pretending to be good , there is so much hatred and evil inside me , I do not know where they come from

Ah yes…I do not want to edit this , I will just write what comes out of my umbilicus

You know what I feel shab?

I feel as if I am running in a vicious circle not knowing when or where it is going to end

Blogging has become a hard and painful process for me , I have a lot of things in my mind , a lot of things to write about , but I do not have the power or mood to do this , easily because I do not find a meaning to write them down …why am I blogging , what are the benefits of some people out there who read what I write , or even if someone left a comment , this is all talks , words , chat , whatever you want to describe , all shit

My friend miko used to say that with blogging you may change someone's opinion, or you may solve another one's problem, or learn/find something new about/inside yourself

Recently so many people have told me that I am going nuts , really , hey guys I am sorry I did not tell you before , I think I am beyond the borders of craziness , and in these last days I tried to find a cure for it , but I failed , I am destined to be insane , or…hmmm…

my mind is just overcrowded with lots and lots of things, I do not know what I am doing in this life, I do not know where to start from, can you imagine that, a young Egyptian man who is lost in nowhere, everything is too much, too many Egyptian people running in life to nowhere , too many problems that have to be solved , too many bad news everyday , this is too much for me , I want to have a rest from life, give me just 2 years to sleep and I will wake up after that to continue with what I was doing, or maybe start something else

ok, let me delete all what I have written above and start again

well…

I am bored, just bored from everything, even bored from breathing, walking, eating and talking , I am bored with what I am writing now , I am just repeating myself , again and again

As I have told you before …blogging was/is a sort of chat with myself, to clear up my mind, and to organize some thoughts squeezed in my brain cells, to filter my opinions that can't all be said in public, but I found out that I am still there at the same point where I have started, no improvement, no solution, so what is next?

People are the same, the magnificent condition in Egypt is the same, the atmosphere is the same, and I am the same person, just a fool person complaining and complaining, bla bla bla

…please fill in the space…

Do not think , do not try to analyze everything in your life , not every question has an answer , not every problem has a solution , just look in front of you , do not look behind you, you can not end your life , you must breathe and breathe until you die one day

I have mental problems, psychotic problems in particular, do I have to take medications to be fine…yes you have shab

I do have to be more active, more practical , more realistic; the blogging world is not the real world, if I really want to do something, I have to do it in real life , not by blogging…what is this you are writing now, this is nonsense

Pointless, meaningless, aimless…what do you want to do in life… I do not know

When I read the other blogsites/blogs/whatever they call it , I wonder what they are doing , I want to really know from other bloggers why they are blogging , I want to ask them what they feel when they are blogging , I see bloggers publishing their posts , writing about political or social problems , writing their thoughts or feelings about something , and then…and then…AND THEN…bravoooooooooo

I want to tell shab bravo…bravo that you wasted your time…bravo that you had the ability to anaesthetize yourself with this toy called blog…

I witnessed other blogs' suicides, some are fed up with blogging, and others have said it all or do not have anything more to say

...but I have

This blog is not me, I hate the word "I", I think it has been overused here!!!

... the endless conflict between "I/me hook" and the "society loop"

How can "I" talk about moral values and enlightenment if "I" do not have them at all, how should "I" be just happy because "I" should come out of my depression , why should "I" blog because "I" have a blog

"I" is/am crazy, and "I" have to confess, but isn’t it cool that "I" can feel the tiny changes that occur during the process of my mind's deterioration

Blogging = Death Sentence

Ya mami , khawefteny , eh elro3b elly ana fih da , 3alashan elwa7ed elly et2abad 3aleh dah elly esmo mesh fakro 3alashan elblog beta3o n2om ne2fel elblogat beta3etna aw ne3del nafsena shewaya , enzar lelkol ya beto3 elblogs , ya3ny mamno3 elkalam fil talata ,aldeen wel gens wel seyasa , hayel , omal netkalem fi eh , netkalem fil hagat elbenign elly wala betfeed wala bettedor , ya3ni masalan netkalam fil bana2adam elblogy elly et2abad 3aleh dah tool elsanaten elgayeen ba2a , zay ma ana ba3mel delwa2ty keda , ok , mashy , ana mowafe2 ,Ana law makan elwallad dah elly 2a3ed fel segn beta3o 3alashan elblog beta3o we afkaro elmodamera , kont afakar wa a2ol , eh el3abat wel habal elly ana 3amalto dah , ma32ol adaya3 hayaty we mostakbaly + elnas tekrahny + 3elty tetbara menny – momken rabena ye3aqebny , 3alashan eh , 3alashan blog , ah , 3alashan blog , asl elblog beta3 elwallad dah 3amel belzabt zay mokh wa7ed , elwa7ed dah beyfakar fi hagat we leeh 2ara2 beyektebha fi wara2a 3ando fil beet , feeh nas rano 3ala garas elbeet we 3awseen ye2ro elly katabo , we lama 2ro elly katabo 2abado 3aleeh , eh el7alawa di , omal elwa7ed elwa2ty yeroo7 feen , yemawet nafso a7san ? aw mayfakarsh khales , yet7awel legamoosa betetbawel 3’eer 2erady , wa7ed 3ando 7agat 3awes yetala3ha , we tala3ha , n2oom nensefo 3alashan el7agat elly tala3ha betegra7na we mesh mashya 3ala hawana , khalas ya akhy , howa agbarak enak te2raha , walla 3amal e3lan fil share3 wel telefezion 3alashan te2raha , elly 3ayes ye2raha , ye2raha , welly mesh 3ayes ye2raha , may2rahash , tab ana law kont nafs elwallad dah elly ana lessa mesh faker esmo rakeb markeb fil ba7r el abyad elmotawaset we fi ba2a ya3ny massalan massalan Wi Fi fil ba7r , we katabt elly etkatab , 7atygy el helicopter we to2bod 3alaya we te7besny , ya mami , ya khofi yani , tab noro7 be3eed leh , ma nro7 elyonan a7san , we na3mel blogging men henak , fi moshkela fe3lan we heya , ennena ma3andenash kodra 3ala taqabol elakhar , we fekr el2akhar , we benekhlet eltagree7 wel sab we elkazf elmobaker we el2essa2a bel7oreya , 3ala fekra , kelmet 7oreya di maba2ash leeha ma3na men assaso khalas , asl elnas to2olak law meet wa7ed zay elwallad dah elly nefsy afteker esmo tele3 we 2al elly 3awes ye2olo , kanet eldenya kherbet , begad ? , ah begad , ya3eni elwallad elma7boos dah dammar elbashareya bekalamo khalas , khala elfasad yentasher fil 2ard , ba2ena e7na elly ben7aseb we ben3aqeb 3alla kaukab el2ard , tab howa e7na 3aysheen ma3a ba3d 3alashan ne7bes fi ba3d we na3mel mashakel ma3a ba3d ? , zay ma2olt mellion mara en elblogging belnesbally akenny bakalem nafsy fil meraya , 3alashan matganensh , walla ento 3awzenny atgannen , tab atgannen a7san bas mat7ebes-sh !!!

1 YEAR EGYPTOZ

and so

…and in cyberspace, reading all your fascinating blogs, all your thoughts and dreams, all your ideas and memoirs, I have the feeling that I know all of you, from a long time ago, and I am not sure if it is real or not, I had the impression that the beautiful life I was searching for does exist, but inside everyone’s computer, we do share our stories together, we found a common ground for living, we all know what is wrong and what is right, but we do not live it , we do not live our real life, is it the power of a savage society, when I read the mails I receive from all of you, I feel relieved , because you see that there is still hope ,and that there are a lot of good people out there, but where are they in real life, in mails I discovered that there are people that understand what I feel , although they haven’t seen me in their lives, and maybe live thousand miles away , but they are me , they know what is inside me more than my family members do , they are the ideal community if brought together, so why don’t you show yourself to the public , why do we keep it inside ourselves , I traveled to many countries and I have never seen a community like us , we are perfect in listing the faults and disadvantages in our lives, a top-notch criticizer , in every aspect, all the day we talk about the little tiny problems we have , and we know the solutions , but we do not take a single step in solving our problems, or in changing our behavior , is this the sarcastic irony of this era ,so many wonderful people blogging in Egypt and suggesting extraordinary ideas to improve the nowadays condition , yet you don’t see them in your daily life , even if you make a gathering of all bloggers and enlightened people in this country , no one could show it the way he or she does in his or her blog, it is so easy to write I hate my boss but it is so difficult to say it face to face , why can’t we live the life we want in the real life, why are we stuck in this dream world and don’t realize our ambitious goals and hopes, are we afraid of each other, to show what is inside ourselves, not knowing if it is going to be accepted and respected from the other members of the society , is it laziness to be friendly to your fellow citizen and to believe that you have to be the start of this improvement, can we really do what we want to do or are we led by something we don’t know, do we need a short break of life to understand the reality of life , you know sometimes I wish I could start my life again , to write my story in a book of white empty pages , but I know I am living this life , in this century , in this land , with these people , and these circumstances , and nothing can bring me out of it but death, so…

B for B**N

Blog is a big conspiracy.
A cyber world you can cherish with the illusion of doing important and precious things, an empty space you can fill it with your thoughts, a hidden monopolistic communication for your own satisfaction, a misconception of self resurrection and an explosion of necessary and unnecessary opinions.
For me blogging started as an intrapersonal rather than an interpersonal dialogue-why I do not feel comfortable with my situation in life, to organize my mishmash ideas and conclusions, to heal my pessimistic vision and to entertain myself with the adventurous process of blogging.
I discovered that I could have been a totally different person if I were not living in this place and time.
Am I going to be the one I wished and intended to be if I really succeeded in changing myself in the same unchangeable time and place?
Anyway blogging is a misleading sign of improvement, a waste of time and a slow down in real self development.

2

878 Nike

Today I had a big problem because of taking random pictures. I knew from the beginning that this is not an easy thing to do here, especially in the nowadays events in Egypt.
I can just blog without including pictures of what I see and experience, it will not make that difference and it will be easier for me, photography was never my hobby.
Anyway, tourists do take pictures freely everyday, and when we see these pictures we will find smiling happy Egyptian faces enjoying being captured by a foreign camera. We do accept tourists taking pictures of us, but we do not accept it from our fellow citizens.
I also know that anyone can take the pictures in this blog and put it in another site or blog, and he could even change things in it.
We all know that these pictures could be used badly by anyone who has an access to the internet: am I responsible for that?
Anything can have its disadvantages, but till now I think I am not that bad guy. People will say that I am kind of a tool for using pictures in an inappropriate way. We can find many excuses.
The red sign w s does not have a meaning anymore.

I will not assume that a picture can say hundreds of words, but I can say that if we just look, meditate and analyze the condition we are living in, we may be able to find the reasons of our unsatisfied condition. Just by identifying small little details of something in an image could give me and you a hint of an upcoming possibility of improvement-the way we behave, the way we dress, the combination of colors in the street, the noise we hear, the beauty of silence we recognize…we may see the sadness in someone’s face, or feel the happiness in the eye of a child.
We see lots of things everyday, but most probably we don’t like to keep it in our memory, even if we think that some pictures show ugly and unpleasant things, we should know that these things are our guide to a better future, the camera is the memory and every picture is a proof of the chronicles of our daily lives.
We live in this country and have got used to it, that’s the problem. We can not tolerate changes.

Let us take this picture as an example:
I think all of us will say that we do not enjoy looking at it: but some people do enjoy it in a weird way, because they got used to live with it. I saw it beside the door of my university, and I had to see it for 3 days, and on the 4th day I was happy because it was no longer there. Well, this is just a symbol and everyone sees it everyday when he goes to the bathroom…till constipation comes.

HUS

Today I watched a nice documentary film on AL- Jazeera channel about blogging in Egypt...and how it is a new source of truth in the Egyptian community… a window to the whole world to see what is really happening in Egypt…there are blogs about day-to-day adventures... political issues… religious issues…arts…and personal opinions…nowadays many Egyptian youth in the blogspace are facing dangerous threats and critical obstacles…oooops…have I mentioned that…oh my god...delete this sentence immediately…delete it...too late...has been published