ياحرام الفراخ البيكينى جالها انفلوانزا
مرحبا بانفلوانزا الطيور...اتأخرت فى القدوم...بس فى النهايه وصلت بالسلامه...حمد الله على السلامه...حمد الله على السلامه... حمد الله على السلامه فى بلادنا الحلوه... و جت من البلاد التلج على مصر طوالى علشان تدفى شويه... و بعدين الفراخ نفسها اوى فى تان برونزى على شاطىء النيل...بس الحمد لله منستش تجيب معاها المايوه البيكينى...مألولهاش ان البيكينى ممكن يعمل ازمه كبيره فى مصر...بالذات لو جم اتشمسوا عند القرى و النجوع...المهم انهم جم...يمكن يخفوا عندنا بعد لما يدفوا و يشربولهم شاى كشرى من بتاع ام احمد...بالمناسبه انا من هواه اكل الفراخ البيكينى....بس من النهارده حاكل لحمه و سمك... و يمكن ابقى فيجيتاريان... مين عارف... بس بجد احنا كان ناقصنا انفلوانزا الطيور بعد فوز منتخب مصر العظيم و غرق التيتانيك المصرى و الفلانتين داى ...هوه كده النظام... حاجه حلوه و بعدين حاجه وحشه و بعدين حاجه حلوه و بعدين حاجه وحشه
No comments:
Post a Comment