أنا السبب فى تمرد ابنه؟
الموبايل بتاعى رن من ساعه...الساعه كانت تقريبا واحده بالليل...نمره معرفهاش...مين يا ترى...ربنا يستر..قولت الو...سمعت صوت كوكو...كان صوته حزين جدا...و بيعيط خلاص...قولتله ايه يا كوكو... فى ايه؟ ...مالك؟...قاللى ان والده طرده من البيت...و اخد منه كل حاجه ...حتى موبايله...طبعا اندهشت...قولت اكيد حصل بينهم خناقه جامده كالعاده...بس ان الموضوع يوصل انه يتطرد من البيت...كده يبقى الموضوع اخد منعطف خطير...حاولت اهدئه...حكانى انه حصلت خناقه كبيره فى الشارع بينه و بين والده مش عاوز ادخل فى تفاصلها...بس انتهت ان والده سابه فى وسط الشارع من غير فلوس و روح البيت...طبعا فى احد الاشخاص صعب عليه فوصله البيت...قام حصلت خناقه تانيه اكبر فى البيت انتهت بطرده منها...و قال له والده انه يروح عند ولاد خالته او عندى يبات فى البيت...اده...ده انا اسمى دخل فى الموضوع...المهم راح عند ولاد خالته و مش عارف يعمل ايه دالوقتى...قولت له يستريح الوقتى و ينسى كل اللى حصل و ينام و بكره إن شاء الله نشوفلها حل...و قولت له انه يجيلى بكره الصبح بدرى قبل الكليه...شكلها كده لازم اتكلم مع والده...مع انى حاسس بقالى فتره طويله ان والده شايف انى السبب فى تمرد ابنه ...و انى اثرت عليه سلبيا...مش عارف اعمل ايه...انا حنام الوقتى برضه وبكره بقى ربنا يستر
No comments:
Post a Comment