الدنيا بتمطر يا بيه
و انا واقف اشترى الجرايد لقيت نقط ميه عماله تنزل عليا... قولت يمكن حد بينشر الغسيل...بصيت فوق ملاقيتش غير شجر... طب الميه اللى عماله تنزل عليا دى جت منين... يمكن من عصفوره... بس ده ميه... يمنك عصفوره عندها انفلوانزا و عماله تخر من مراخيرها...اوباااااه... و بعدين... كده ممكن اتعدى منها... بس لقيت الناس اللى جنبى فى الشارع برضه بتبص لفوق... قولت كويس... يبقى مش حيجيلى المرض لوحدى... لقيت بتاع الجرايد بيقوللى : " الدنيا بتمطر يا بيه"... بس الشمس مشرقه... و مفيش اى غيوم... و لا حته سحبايه سوده... و فعلا بدأت تمطر بغزاره...كده من غير مقدمات...سبحان الله...فارحت مصورك يا سما
No comments:
Post a Comment