شويه رمم قولالات الأدب متربوش
لأ دى الناس بجحت بجد... بقه ليها لسان تتكلم و تشتم... ايه اللى حصل فى مزرعتى ... مالناس كانت ساكته و وديعه و راضيين باللى همه فيه... ايه بقه اللى حصل... يعنى فجأه فائوا و نزلوا يلبخوا فى الشارع...خلاص بقت موضه حكايه الصويت و النوم فى الشارع... والا جلهم ذكاء مفاجىء و احنا مش حاسين... اكيد اعدوا يتفرجوا على الدش كتير... ايوه الدش ده هوه اللى وراهم اللى بيحصل فى البلاد التانيه... و قال ايه عاوزين يعملوه هنا... و لما وعدتهم بشويه حاجات بقوا طماعين... جشعين... يا جشعيييين... و وصلت انهم يشتمونى كمان... انا اتشتم... ديه اخرتها...لأ... بس هنا خلاص و كفايه... قال بقوا يعرفوا كلمه حقوق و عمالين طول النهار يولولوا بيها فى الشارع... اول ما بسمعها نفسى بتغم عليه و انا ما بقاش فيه صحه للحاجات الفرغه دي... يظهر ان ضرب الفليب فلوبس جاب نتيجه عكسيه و قضى على البلاهه و ضمور المخ اللى كان عندهم... يخرب بيت اللى اقترح عليه نظام الفليب فلوبس... لكن على مين... استنوا بس لما تشوفوا النظام الجديد بتاعى...نظام خلص و استريح
No comments:
Post a Comment