النهارده اول يوم رمضان ليه فى اوروبا...اتسحرت بيتزا و كنت مستنى اذان الفجر لما افتكرت إن مافيش اذان هنا اصلا...دخلت على النت علشان اعرف الفجر امتى...مفاجأه كبرى...الفجر تلاته و نص و المغرب تسعه و نص...نعم...تانى كده...و لا تانى و لا تالت حاتصوم يعنى حاتصوم...و بإذن الله ربنا حايصبرك...على العموم اتسحرت و نمت و الوقتى الساعه سابعه و نص و فاضل ساعتين على المغرب...قولت اكتب فى البلوج و اسلى صيامى...لسه فى مرحله ما قبل الغيبوبه و اهو يوم و يعدى...يوم؟...دول تلاتين يوم...تلاتين؟...يعنى كل يوم عندى ست ساعات بحالهم اكل فيهم...يعنى شغلتى فى الساعات دى الاكل و الشرب و بس...لأ مش بس اوى...و الفرجه على المسلسلات...مش عارف الفرجه اونلاين بالانترنت على المسلسلات حايبقى ليها طعم و الا لأ...اهو حانشوف...لسه من شويه كنت رايح اشترى الاكل من السوبر ماركت و الدنيا حر مووت و طول ما انا ماشى اقول اللهم انى صايم...اللهم انى صايم...اشى واحد بيبوس واحده فى الشارع...و واحده ماشيه قالعه خالص مالص...و اشى ناس عماله تاكل فى ايس كريم كريم...و انا ريقى ناشف ناشف...ناش...ففففف..ف..،.نز...كفايه الكلمتين دولت علشان أنا صايم و ابتديت اهترف...ابقى اكملهم لما افطر...و رمضان كريم
ربنا يتقبل
ReplyDeleteكان الله فى عونك وثبتك
ReplyDeleteوجزاك خير جزاء
أولا كل سنه وأنت طيب
ReplyDeleteوربنا يجعل كل أيامك خير وبركه
الان أنت تواجه مشكله طول وقت الصيام
أعتقد أن ممكن تختار أقرب بلد أسلامى
وتشوف مواعيد الافطار والصيام فيها
وتلتزم بيها لآن ست ساعات
فترة قليله جدا والقصد من الصيام
مش أنك تبقى فى حاله تؤذيك
عموما أذا كنت عايز تتأكد أدخل على موقع دار الافتاء المصريه
وشوف الحكم الشرعى
ربنا معاك
وتمنياتى لك بكل الخير
محمد- القاهرة
الساعة 12 بتوقيت القاهره
In which country are you ?
ReplyDeleteIt's from 4 to 9 here in Finland. It becomes shorter everyday :D
آمين يا عبدو باشا
ReplyDeleteشكرا يا محمد
ReplyDeleteادعى لأخوك
و الله أنا كنت محتار أعمل ايه ، و الحمد لله المسجد الو حيد اللى صليت فيه الجمعه وزع علينا عنوان الموقع اللى ندخل عليه و فيها اوقات الصلاه و امساكية رمضان الخاصه بالمدينه و هو آه الوقت قصير للفطار و طويل للصيام ، بس أنا متخيلش نفسى اصوم لغايه سته أو سبعه مثلا و افطر و الدنيا لسه منوره
ReplyDeleteو ربنا يصبرنا
Oh My God , when I first saw this Photo I thought something familiar here. is this photo in Heidelberg?!!!!
ReplyDeleteهو اصلا انت في بلد اوروبية وانا لو مكانك قبل رمضان اشتري اكل واخليه في البيت وميكرويف واسخن الاكل علطول لمدة اسبوع او اتنين على قد ما اقدر واخرج في يوم كدة يكون مفيش ناس كيتر اشتري اكل يعني احاول بقدر الامكان اني اقعد في البيت في رمضان على قد ما اقدر بالذات في دول اوروبا
ReplyDeleteتقبل مروري ومدونتك رائعة جدا
انا إن شاء الله حاحاول انزل مصر بعد كده فى رمضان أو اروح السعوديه
ReplyDeleteهنا رمضان عذاب