و امك كمان من اجمل و احلى الافلام اللى شفتها فى حياتى...وهم...تحفه...و من الممكن نقول على مخرجه انه عبقرى...لانه عمل فيلم عجيب جدا و غريب فى اسلوب عرضه و كتابته و اخراجه و فى نفس الوقت بسيط جدا... مش عاوز اتكلم كناقد و لكن عاوز اتكلم عليه كمتفرج و شاهد على الثوره الجديده فى التجريد فى الافلام و تفريغ المنطق و الاحساس من نقط ملونه تنقل عبر ضوء فى فضاء القاعه إلى شاشه بيضاء امامى
دخلت السينما...شوفت فيلم و امك كمان...طلعت من السينما...قولت ده فيلم قبيح سافل و تافه...دخلت تانى السينما و طلعت و قولت ده فيلم شبابى جنسى فاضح...دخلت تانى السينما و طلعت و قولت ده فيلم سياسى ...دخلت تانى السينما و طلعت و قولت ده فيلم فلسفى تاريخى عبقرى
و علشان كده المخرج فعلا عبقرى فى انه يعمل فيلم له تأثير متغاير غريب على المشاهد...مش بس كده...الواحد لما يشوف الفيلم لأول مره حايفهم حاجه...و لما يشوفه تانى حايفهم حاجات...و لما يشوفه تالت
حايفهم حاجات اكتر و اكتر...و لما يشوفه كمان و كمان حايطلع إن اللى فهمه ده غلط و انه الوقتى فهم صح...العبقريه فى إن الواحد يقدر يلعب على كل المستويات فى آن واحد... و ده مش لغز و الا حاجه...و ما تفتكرش انك ممكن لو ركزت جامد انك ممكن تفهم كل حاجه فى اول مره...هوه كده...المخرج عامل الفيلم ان الواحد لازم يشوفه كذا مره علشان يعيش الحاله الكامله...و إن كل مشاهد بيطلع بتحليل مختلف عن الاخركويس انى اتفرجت على الفيلم ده فى اوروبا...علشان الفيلم بيحتوى على مشاهد جنسيه فاضحه جدا و صعبه اوى لدرجه انه اتعرض بنسخه مخففه و مقطعه فى
امريكا...تتصور...اه فى امريكا... و الواحد مش حايشوف مشاهد جنسيه عاريه يعنى كده لقطه و الا لقطتين زى اى فيلم اجنبى عادى...لأ فى الفيلم ده الوضع مختلف...لأنه طبيعى جدا و الواحد حايحس انه مش بيتفرج على تمثيل و لكن على حقيقه...الواحد بيصدق...ده انا اقتنعت إن الممثلين عملوا فعلا مع بعض...ده انا عمرى ما هيجت فى فيلم بالدرجه دى...و اكتر من افلام البورنو كمان...ده لسه قبل ما يبتدى الفيلم و ينزل التيتر اللى بيقول اسم الفيلم و شركه الانتاج ...الفيلم بيبتدى بافتتاحيه جنسيه هايله...بس المفاجأه بقه...انه فيلم مش جنسى...و لا حتى بيتكلم عن الجنس من اساسو...اومال بيتكلم عن ايه...شوف و انت تعرف... علشان لو قولت كل الفكره حاتبوظ 
حتى التصوير فيه غريب...يعنى ممكن الكاميرا تكون بتصور الابطال و هما بيتكلموا مثلا و واحده واحده تسيبهم و
تروح فى حته تانيه تصور حاجه تانيه ملهاش معنى زى حيطه مثلا...بس كل حاجه ليها معنى فى الفيلم...و كسب جوايز عالميه كتيرهو انا مستعد ادى جايزه للى يعرف و يقول لى ايه اللى دخل امك فى الفيلم
و امك كمان... و ليه امك كمان... و علشان ايه امك كمان
الفيلم غير نظرتى للحياه خالص... و لأمى
بصراحة مش فهماك ومش مصرة أوى ولا أفهمك ولا أفهم الفيلم لأنى أساسا مش حاشوفو
ReplyDeleteليه؟
ReplyDeleteانا قصدى ان الفيلم بيجسد اشياء غير ملموسه كالكراهيه و الفناء و الضياع و الحب و الخلاص و الاخلاص الخ الخ الى
اشياء مسموعه و مرئيه
اشياء ما بعد التجريد المطلق للا وعى
آه...انا فهمت...علشان انت بنت مؤدبه او سيده مش عارف...هايل هايل...بصى انا عندى فكره...لو مش عاوزه تشوفيه علشان القباحه اللى فيه انا عندى فكره خرافيه علشانك
لما تيجى حته فى الفيلم كده و الا كده...حته عيب يعنى...ابقى غمى عينيكى عالطول
أه كنت حانسى...بلاش تبوصى فى اللحظات دى بين الصوابع...غمى عينيكى خالص لغايه لما كل المشهد يخلص
و علشان الصوت ابقى اعملى ميوت او احسن اتكلمى او غنى بصوت عالى
بس كده مش حاتعرفى المشهد اللى مش و لا بد خلص و الا لأ
من الاخر الفيلم ده مش جنسى يا جماعه..انتم فهمتم غلط خالص...الفيلم ده فيلم ثقافى
آآآههههههه ثقافى .... طب يا راجل قول كدة م الصبح
ReplyDeleteانت شوقتني اشوفه بس هويعني جنسيته ايه الفيلم دة
ReplyDeleteوازاي انزله او اشوفه فين وازاي
لو عندك لينك للفيلم ياريت تبعهولي
mostafarayan...google for "y tu mama tambien torrent" or you can come and watch it with me
ReplyDeleteانا حضرت الفيلم ده مبارح بس ما قدرتش افهمه ..
ReplyDeleteيا ريت تقول هو ايه قصته ؟؟
Forsaken Administrator
ReplyDeleteالفيلم لازم يتشاف اتنين و تلاته علشان الواحد يفهم معناه
ملحوظه صغيره جدا ممكن تفيدك لما تشوف الفيلم مره اخرى
الفيلم بيتكلم عن الحياه
الوصول للشاطىء هو البحث عن الهدف من الحياه
الطريق إلى الشاطىء هو تقلبات الحياه
هل لو كنت تعرف الطريق إلى الشاطىء أو نهايه الحياه كنت حاتعيش الحياه كما يجب أن تعاش
المرأه فى الفيلم تجسد الحياه المعروفه أو القدر
هى تعلم انها ستموت قريبا
الولدين تجسيد للبشريه التى تعيش بدون أن تعرف القدر...أو معظم البشر
اوووف...هممم
صعب اقعد اشرح الفيلم بالتفاصيل
و هناك اسقاطات سياسيه و اقتصاديه و دينيه و فلسفيه كثيره
مش عارف محتاجين نقعد مع بعض علشان اوضح لك اهميه هذا الفيلم
لكنى سعيد انك شوفت الفيلم