my best birthday ever

فى يوم عيد ميلادى...لما وصلت الحمد لله لمنتصف العمر...قررت اعمل حاجه مختلفه اتذكرها طوال حياتى...و علشان انا عايش فى الغربه...من غير اهل و لا اصحاب تشاركنى بالاحتفال فى هذا اليوم المميز...و علشان انا غلبان ما اقدرش اعمل رحله فى يوم حول العالم...أو اقفز بالباراشوت من طياره...او اغوص فى اعماق البحار...قررت ان احتفل بعيد ميلادى مع البنى ادمين

جبت لوحه كبيره و كتبت عليها

Please give me a Hug…اليوم عيد ميلادى

و وقفت باللوحه فى منتصف ازحم شوارع المدينه

ارسم ابتسامه بسيطه على وجهى...و انظر باهتمام فى عيون الماره

البنى ادمين كانت بتمر من امامى باندهاش

البعض يفكر ماذا يريد هذا الولد الشاب

و البعض خائف من الاقتراب

و البعض متعجب من هذه الفكره الغريبه

بعد خمس دقائق جاءت واحده شابه ما اعرفهاش و اعطتنى حضن

فشكرتها و ابتسمت

و بعدها جاء رجل عجوز ما اعرفوش و حضنى

ثم جاء ولد صغير و حضنى

ثم بعض الشباب من البنين و البنات و اعطونى حضن جماعى

و فى خلال نصف ساعه اعطانى ما يقرب من الخمسين بنى ادم حضن و تهنئه على عيد ميلادى

بنى ادمين غرباء لا اعرف اعمارهم و لا اسمائهم و لا انتمائهم و لا دينهم و لا قصه حياتهم

فى هذه النصف ساعه احسست بكم من الحب و الانسانيه لم اشعر بها خلال حياتى كلها

احسست بإننا من روح و احده

احسست بإننا بشر

و ده كان اجمل عيد ميلاد فى حياتى

ملحوظه: هذه القصه حقيقيه و ليست تأليف