زلزال بكره

حاسيت بقه بالزلزال بتاع امبارح ، و انا كمان
طبعا لما حصل الزلزال بتاع امبارح ، جاتلى ذكرياتى الجميله مع الزلازل اللى مرت فى حياتى
ما فيش احلى من زلزال 92 ، كنت وقتها فى اتوبيس المدرسه و راجع البيت ، و مش حانسى لما الاوتوبيس كان بيلف ميدان سفنكس و لقيت كميه بشر بتجرى من العمارات اللى حولين الميدان زى النمل ، و انا اقول هوه جرى للناس ايه ، هيه الناس اتجننت ، و بعدين لقيت الاوتوبيس بيطير من على الارض ، احساس انك ماشى بالاوتوبيس لقدام و فى نفس الوقت بترجع بالاوتوبيس لورا مش عارف ازاى
و انا فى طريقى لامبابه لقيت الناس كلها واقفيين على الرصيف زى عساكر الجيش ما بيتحركوش ، مستنيين ايه انا مش عارف
و لما وصلت امبابه لقيت ام سيد الشغاله واقفه مستنيانى انزل من الاوتوبيس ، بس ماطلعناش فوق للشقه
قعدت تحكيلى على الزلزال و انا مش فاهم اى حاجه علشان عمرى ما شعرت بزلزال قبل كده

لايمكن انسى بقه اليوم لما كنا ملموميين انا و العيله الكبيره بعد ايام من الزلزال حولين التلفزيون و بنتفرج على واحد بيطلعوه بعد ايام كتيره من عماره وقعت و هوه فيها ، و لا يمكن انسى انه قال انه كان بيشرب البول بتاعه لما عطش ، و لا يمكن انسى اسمه ، كان اسمه اكثم
بعديها بفتره اول مره الاقى الناس كلها بتتكلم عن مدينه عمرى ما سمعت عنها قبل كده ، مدينه كده اسمها دار السلام
و بيتكلموا عن ريختر كمان ، هوه مين ريختر ده
مره يقولوا 6 ، و مره يقولوا 7.3 ، و مره يقولوا 8 ، مافيش و لو لمره 10
و من يوميها و انا حاموت اعرف شعور الزلزال ده
و جاء اليوم المشهود
كنت فى الحمام باستحمى و لاقيت كل البيت بيترج و الشامبو كان فى شعرى فاترعبت موت و لفيت على نفسى فوطه من غير حتى مالبس الكيلوت و جريت على السلالم لغايه تحت و منظرى كان وحش اوى
يوميها غسلت شعرى بالشامبو من خرطوم الجنينه
ام سيد رمتلى بعد كده هدوم علشان البسها
و فضلت واقف و الناس كلها رجعت بيوتها
و رجعت البيت بالليل خالص
كنت فعلا ارنب جبان
و كان اول مره اعرف فيها معنى توابع

فى بقه زلزال كده كان قبل ايام الامتحانات
كان عالفجر و انا نايم
اليوم ده افتكرت ان العماره بتقع
اصلها كانت مابيتهزش يمين و شمال
لاول مره الاقى العماره بتتهز من فوق لتحت
المصيبه الكبرى انى ساكن فى الدور الحداشر
و من يوميها و انا بكره انى ساكن فى الدور الحداشر
و من يوميها كمان و الابراج الطويله اللى على كورنيش المعادى بقت بيوت للاشباح
و كان منظرنا غريب لما نلاقى الطلاب برضه كلهم قاعديين زيى فى النادى الساعه سابعه الصبح و بيذاكروا ، كله من الزلزال
لسه الواحد ماجربش يكون فى اسانسير و يحصل زلزال ، يا ترى حايبقى الاحساس ايه ، اكيد مضاعف و بامتياز

زمان بقه لما كنت فى اللعبه دى ، كنت باجيب اقلام الوان خشب و ارصها بالطول جنب بعض على الترابيزه علشان لو حصل زلزال و ماحستش بيه ، لو لقيت الاقلام وقعت ، يبقى اتأكدت انه حصل ، لعب عيال بقه
فى فتره الازدهار و انتعاش الزلازل فى مصر كنت مجهز ازازه ميه جنبى عالطول و خطه الاختباء تحت السرير علشان لو حصل زلزال و السقف وقع ، الطوب ينزل على المرتبه و ماينزلش على نافوخى
طب ليه افضل فى العماره اساسا ، المفروض انزل بسرعه منه زى ما معظم الناس بتعمل ، المشكله انى مش معقول انزل السلالم دى كلها بتاعت الحداشر دور افرض العماره وقعت و انا فى الدور التالت ، حايبقى صعب يطلعونى منها ، و بعدين الحمل اللى حايبقى على نافوخى حايبقى اكتر بكتير لو فضلت احسنلى فى الدور الحداشر ، اصل فوقينا تلت ادوار بس
و لما اخترعوا الموبايل ، لازم طبعا يبقى مشحون و جنبى عالطول ، و يستحسن لو كان فيه كرديت
قولت لاهلى لما يجوا يعزلوا يختاروا عماره ما فيهاش اكتر من دورين و لو ما فيش حل غير عماره عاليه ، يبقى يا ريت اخر دور علشان لما العماره تقع احنا نقع على اللى فوقينا و محدش يقع عليه من فوقى

انا بقه ملاحظ حاجه غريبه ، الزلزال لما بييجى ، بييجى فى اوقات مش مظبوطه خالص ، يعنى مره كده انا فاكر لما سافرنا فى تانى يوم العيد و كان مش فى بال اى حد ان ممكن يحصل فى تانى يوم العيد زلزال ، طب ينفع فى اول يوم العيد ، طب اول يوم رمضان ، و دايما بقه يجى فى ساعه خاصه جدا ، مره بالليل خالص و كل الناس فى بيوتها نايميين ، و مره الفجر خالص و برضه كل الناس نايميين ، و مره العصر لما كل الناس تكون رجعت من الشغل ، علشان كل واحد يتشرف و يحضر كل زلزال ، و اللى فاته الزلزال ممكن يستنى التوابع

مره بقه كنت مع صحابى و جه على نشره اخبار اجنبيه ان فى زلزال مدمر جاى طوالى فى السكه على مصر ، روحنا واخدين بعضينا كده زى الهبل و قعدنا مع المصريين التانيين الاذكيه فى الجنينه بتاعت ميدان المساحه ، و بجد كانت ليله جميله فله ، العيال كانت بتلعب ، و الستات كانوا جايبين البطاطين و الملايات و عاملين حسابهم فى الاكل ، و انا و صحابى فضلنا قعدين مع الناس نستنى الزلزال انه يجى ، مجاش ، شفت ، اتضربنا مقلب ، اتبعتنا يعنى ، الحمد لله إن اللى كان مصبرنا ان احنا لعبنا كوتشينه ترنيب فى الجنينه

المهم بقه اللى الواحد عاوز يقول إن الواحد لما صدق إن مصر جالها الشرف و دخلت فى حزام الزلازل لما لقيت فجأه الدنيا بقت هوس سكووووت ، فين الزلزال ، فين الهز ، فين الفرفشه ، مافيش ، سنه تمشى ، سنتين ، طب تلاته ، مافيش ، طب اى 12 اكتوبر ، مافيش ، كنت خايف لاحسن انسى احساس الزلزال ، بس الزلزال مانسانيش ، جه و سلم عليه ، و وقع كل البيوت اللى الاسمنت فيها مغشوش او مبنيه غلط ، و من نفسها كده كنسلنا العشوائيات اللى خانقانا و ببلاش كمان ، و موتلنا كده شويه ناس كانوا كتير على التعداد السكانى بتاعنا ، طول عمرى بخاف من حاجتين ، الزلازل و الصراصير ، عرفت و الحمد لله اتغلب على مشكله الصوريصار ، بس الزلزال حيفضل طول عمره يعمل لى رعب ، رعب مش لذيذ

الزلزال ده انذار ، بيقول للناس اصحوا، بس الناس ما بتتعلمش ، و طول مالناس بتنسى ، الزلزال حايجلها... و من غير انذار

Death of 2D ?

Could this be the end of traditional animation, the fantasy world that captured my mind in my childhood years till now?
I remember when I saw the majestic split of the Red Sea in The Prince of Egypt and decided then to study the art of animation...
...so I went to a famous studio here in Egypt and took a course in drawing and computer generated motion style…it was a hard and a time-consuming process…and you can imagine yourself working in the center of Cairo and having so many cartoon episodes to draw to be showen in the national television in Ramadan…of course as a result the characters will talk and walk like mentally retarded handicapped people.
The youth I was working with were not passionate about their work.

Some told me they try to finish as fast as they can because when they do more pages of drawings they earn more money.
So it has been my life long dream to work in Disney as an animator…they are the masters of this field.

I grew up with many of their classics, The Beauty and the Beast, Alladin , The Lion King, Pocahontas and Tarzan …and I still remember the first time I saw Pixar's Toy Story…it was like a new world for me…so real, so plastic and so "rounded"…and when they have found out that these 3D movies make a lot of money and 2D movies do not sell well…they decided to change the future of animation…and stop making hand-drawing pictures.

Well...2D did not sell well at that time because of "the story" and not because of the fact that it is "2D"...we need movies like Spirited Away.

Of course I was amused by Toy Story 2, Finding Nemo and The Incredibles…and DreamWorks and other studios started CGI with movies like Shrek and Ice Age…and then sequels…they know that 3D movies can be made in no time compared to 2D...they are less expensive... mmm... and their heroes are already saved with their movements and facial expressions in their computers…so anytime they want to make another movie…they easily can.

But somehow I lost the sense of imagination…and I felt the same when I went with my brother's kids to see penguins and penguins and penguins…it leaves little room for children to imagine and fill the blanks…I am even afraid that the children of this generation will grow up cold hearted with no child laughter or innocence…and we can not forget that PlayStation also plays a parallel role in changing their behaviour...they are becoming more aggressive, less creative and hyperactive.

It is so beautiful to pick up a pencil and make wonderful artwork into a masterpiece of modern media…it is something beyond this world...something that comes from the human heart and hands to the screen…and if Walt Disney were alive today, maybe he would not recognize the company that has his name.

What is the future of 2D animation? The Princess and the Frog?
Seriously I do not know…because I am sure that Ratatouille (a magnificent, fantastic achievement in animation history and maybe the best 3 dimensional animated picture ever made) will make adults leave their movies and watch cartoon instead.

ليلة الدخلة

اغرب احساس فى حياتى لما كنت قاعد فى الكوشه فى اخر الفرح و المعازيم و الاهل و الاصحاب كلهم بيبصولى و يصقفولى و بيستعبطوا و بيستهبلوا و عاملين نفسهم قال ايه مش واخدين بالهم و مش فاهمين و لا عارفين ان ليلة دخلتى عالطول حاتبقى بعد الفرح و حايتقفل علينا الباب و نبقى لوحدينا...كان نفسى الدوشه دى تنتهى بقه باسرع وقت ممكن...بس الناس كانت قاعده قاعده ... مش عاوزه تمشى...انا حابقى اتكلم عن الفرح ده بعدين علشان بصراحه كان مهزله... المهم خليت الراجل يوطى النور بتاع القاعه شويه علشان الناس يبقى عندها شويه دم و تتكل بقه...بس برضه ما كنش فى فايده... بس الحمد لله و الشكر لله ان الفرح خلص... هوه ما خلصش يعنى بس انا قلت نقوم بقه انا و س و نسلم على اللى لسه قاعدين ... بصراحه كل حاجه كانت جاهزه زى ما اتفقنا عليها و كنا فى الريسبشن بتاع الهوتيل لما لقيت ماما و خالتو و م و ع اخواتى و انكل أ و حماتى طبعا واقفين معانا ادام الاسانسير... فضلوا يرغوا و يضحكوا مع س و انا طبعا عاوز امشى بقه بس قلت خلاص هانت و ما جتش على دى

فى اللحظه دى حاولت افتكر كل اللى قالهولى حوس...يا جماعه الكلام ده انا مش بقوله علشان تفتكروا كده و لا كده انى قليل فى المعرفه و كده يعنى... بس أنا حبيت اروح لحسام قبل الفرح باربع تيام علشان اسأله على شويه حاجات كده كنت مكسوف شويه اتكلم فيها مع حد تانى... انا و حسام كنا بنهزر زمان على اليوم ده و فعلا جه اليوم اللى اتكلم فيه عن المواضيع دى علشان بقيت خلاص فى الامر الواقع...و احنا اكتر من الاخوات... و الله باعزك اوى يا حسام...كان فى بقه حاجات كده صغيره كنت عاوز استفسر عنها مش عارف مين اللى يقولهالى ... مالقيتش غير صاحبى و حبيبى حسام... هوه متجوز و عنده خبره فى الحاجات دى ... المهم حسام بصراحه كان راجل جدا معايه... ساعدنى و كان صريح جدا معايه...كنت فاكر انه حايضحك على الاسئله بتاعتى بس هو قال لى انه كان المفروض حد من اهلى كان يقول لى على الحاجات دى من الاول... بابا متوفى و علاقتى مع عمى مش اوى كده... يمكن فى حد من اهلى كان لازم فعلا يتكلم معايه ... بس انا كان احسنلى انى انا اتكلمت مع حوس علشان حسيت ان الموضوع ما فيهوش حرج بين اتنين صحاب يعنى

انا اكيد كان عندى ثقافه جنسيه قبل الجواز...بس كان اكترها من الافلام اللى انا كنت اتفرجت عليها زمان بقه و كده يعنى... بس كنت خايف وقتها ان اللى كنت باشوفه فى الافلام ما يكونش الواقع يعنى... يعنى بصراحه يعنى مش عارف لما الواحد يخلص الفرح المفروض يعمل ايه بالضبط...الخطوات يعنى ... اصل فى الافلام الموضوع ما بيكونش فيه فرح و كده يعنى... بيخشوا فى الموضوع عالطول... بصراحه الافلام كلها كانت اجنبيه و مش عارف فى مصر هنا المفروض يحصل ايه يعنى بالضبط... كنت خايف انى البخ و اعمل حاجه غلط و منظرى يبقى مش كويس ادام س

مش عارف دى غريبه و الا مش غريبه إن انا و س عمرنا ما اتكلمنا فى الموضوع ده خالص قبل ما نتجوز... اكيد يعنى مش حافتح معاها موضوع زى ده... و الا هوه كان لازم و الا ايه

لما قعدت مع حوس قاعده خاصه كده سألته بقه عن ازاى الليلة دى المفروض تمشى صح
قال لى بص يا سيدى انت اول ما تطلعوا الاوضه تتأكد اهم حاجه انك تقفل باب الاوضه كويس و بعدين المفروض انك تقرب منها و تقلعها فستان الفرح كمدخل يعنى فى الموضوع و بعدين حسام لمح لى كده على شويه حاجات كده
قلت له اوكى ... انا عارف ده و شوفته فى البورنو كمان بس مثلا انا عاوز اعرف هل ادخل استحمى الاول و الا مش مهم
قال لى على حسب الظروف... من الافضل طبعا انك تخليها تدخل تستحمى الاول و بعدين انت علشان حاتبقوا جايين عرقانيين اوى من الفرح و كده يعنى
قلت له طب فى سؤال عندى كده بس ما تضحكش عليه فيه
قال لى اتفضل
قولت له هو انا المفروض احلق الشعر اللى فى جسمى قبل الفرح و الا لأ
قال لى ... بص ... بصراحه كل واحد و اللى شايفه هوه... يعنى مثلا فى ستات بتحب الراجل يبقى عنده شعر فى صدره... ده فى ستات كمان بتحب الراجل يبقى عنده دقن خفيفه علشان
قلت له طب شعر البطاط
قال لى ... هممم... انت شوف بقه... دى حاجات مش مهمه
قلت له لأ دى مهمه بالنسبالى
انا فاكر لسه اليوم ده لما بص لى حسام و ضحك
و بعدها قلت له طب الشعر تحت
قال لى قصدك شعر العانه... برضه فى ناس كده و فى ناس كده
قلت له و انا اعرف ازاى يعنى
قال لى بلاش احسن خليك على طبيعتك
وقتها كنت حابب اسأله هوه عمل ايه بس حاسيت إن حايبقى فيها احراج ليه و ممكن يفهمها غلط
فى الاخر اكد لى ان المفروض كنت اتفق معاها على موضوع الخلفه ... الموضوع ده ما كنش فى بالى وقتها خالص... ما كنتش عارف ان لازم نعرف فى ليلة العمر كان امتى اخر مره فيه دورة شهريه عندها لو انا مش مستعجل على الخلفه... و قال لى لو انا مهتم اوى بالموضوع ده و مش عاوز خلفه فى المرحله الاولى يبقى لازم استخدم توبس بس انا فى ذهنى وقتها قولت فى نفسى انا اكيد مش حاعمل كده فى ليله زى ده
حسام نصحنى برضه على شويه وصفات جامده كده من الاكلات تخلينى شغال كويس جدا فى الليله المهمه دى بس انا اكيد ما باصدقش الهبل ده و الكلا م الفارغ ده اللى بيجيبوه فى التلفزيون

فى الليلة دى كنت قلقان شويه... اول مره بقه و كده يعنى... انا باضحك على فكره و انا باكتب الكلام ده... كنت مش فاهم اوى يعنى وقتها... و قولت يا ريت كنت قريت عن حد كتب عن اللى عمله وقتها يعنى الواحد كان برضه يبقى عنده فكره اكتر

انا و س طلبنا اننا نطلع بالاسانسير لوحدينا و بعدين دخلنا الاوضه اللى كنا حاجزنها... الاوضه كانت ملخبطه شويه... كان فيها الشنط بتاعتنتا علشان كنا مسافرين بعديها بيوم
اعدنا على حرف السرير و فضلنا نتكلم عن الحاجات اللذيذه اللى حصلت فى الفرح ... الحاجات اللى كنا مرتبنها و ما اتنفذتش زى ما كنا متخيلين و الحاجات اللى طلعت احسن مما كنا نتصور
بجد انا وقتها كنت هلكان موت من بعد الرقص و التنطيط و الدوشه و مصدع شويه... و هى كمان كانت تعبانه اوى
قالت لى انها داخله الحمام... سمعتها و هى بتاخد دش و انا فى الفتره دى وضبت الاوضه شويه و رتبت الهدوم و بعدين قلت هل ادخل بعدها اخد دش و الا اغير هدوم و البس البيجامه و استناها على السرير قبل ما تخرج من الحمام... ساعات كنت على فكره اخبط على الباب و اهزر معاها و اقول لها انى حادخل عليها
هى خرجت و كانت لابسه بالطو حمام ابيض و لفه شعرها بالفوطه و قالت لى انى اخش اخد دش
قلت وقتها ادخل استحمى علشان شكلى يبقى نضيف برضه بس كده طبعا كل الخطه اللى كنت مرتبها من الاول و انى اقلعها فستان الفرح باظت... مش عارف ازاى عرفت تقلع الفستان المكلكع ده كله فى الحمام

طلعت من الحمام و انا فريش الحمد لله و كويس و جاهز بس لقيتها بتسرح شعرها و مش عارف ازاى مش مبلول بس كده طبعا احسن
كان تقريبا وقت الفجر لما بصيت فى الساعه و قلت لنفسى اصلى و الا ما صليش اصلى و الا ما صليش... بس انا غلطت و ماصليتش... قلت وقتها ابقى اصلى الصبح بعدين و انا زعلان انى عملت كده... بس ده اللى حصل
على فكره انا كنت عارف وقتها كمان ان الواحد المفروض احسن كمان انه يصلى ركعتين و كده يعنى
شميت برفيوم حلو جدا فى الاوضه مش حانساه للنهارده و قعدت على السرير و انا لافف نفسى بفوطه الفندق و قلت لها ما تيجى تنامى بقى ... ده كان يوم طويل علينا اوى
راحت جايه و نايمه جنبى فى السرير... و بعدين قربتلها و بدأت اهمسلها عن فرحتى بأننا اخيرا اتجوزنا و بقينا مع بعض ... و هى كمان كانت فرحانه اوى و قربت منى ... و بعدين طلبت منى اقوم اقفل النور... فقفلته... مش عارف ده كان كويس وقتها و الا لأ بس كنت محتاج بصراحه للنور و لو كان بسيط حتى زى نور الاباجوره ... بس الاباجوره بتاعت الاوضه كان نورها عالى قوى و مزعج و مش رومانسى خالص... النهارده بتخيل ان المرايه بتاعت الهوتيل كان ممكن تكون فيها حاجه ممكن تشوف اللى بيحصل فى الاوضه او كده يعنى ... المهم قربتلها اكتر و هى قربت لى و بعدين بوستها على خدها و بعدين

*تم حذفها من الرقابة*

انا كنت باعمل نفسى ان الموضوع ده عادى خالص و انى مش مكسوف بس اول مره الواحد يقلع و يبقى عريان ادام حد دى حاجه مش سهله لو كانت لأول مره... النور كان مقفول و الاوضه ضلمه فكان الموضوع طبعا اسهل شويه ... انا مش متخيل انى عملت اللى عملته اليوم ده و انا تعبان جدا... بس الواحد بعدها مش عارف ازاى بتجيله قوه و نشاط
كان فى شويه حاجات كده صغيره ... مش غلطات ... بس كان ممكن يعنى تبقى احسن لما ابص على ليلة الدخلة... حسيت انى اتسرعت اوى فى عمليه الايلاج... يعنى كان لازم يبقى فى مقدمات شويه زى البوس و الاحضان و الملاطفه و الغزل و التحسيس الخ الخ زى ما حسام نبهنى...طبعا كان فى بس كان لازم يبقى اكتر شويه... و علشان كمان عرفت بعد كده ان س بتحتاج شويه وقت لغايه لما تبقى مهيئه نفسيا للموضوع ده و ميبقاش صعب و متعب و ميوجعهاش

و اللوبريكانت اللى كنت شاريه قبل الفرح عمرى ما استخدمته ... س لاقيته فى الشنطه و احنا فى شهر العسل
و بعدين الخيالات اللى كانت فى دماغى عن فض غشاء البكاره كله كان اوهام و ان دم كتير حاينزل و كده... انا بصراحه ماشوفتش الحاجات اللى بيتكلموا عليها دى... أنا ماشوفتش و لا نقطه دم واحده حتى
وبالنسبه للوقتى فضيحه لما افتكر انى يوميها قذفت بسرعه شويه...الموضوع طبعا لازم كله يبقى اطول بكتير من كده بس يمكن وقتها كنت مستثار اوى و كده يعنى
كان احساس حلو اوى ان الواحد لأول مره يلمس جسم واحد تانى بالطريقه دى و يضمه اليه ونبقى كيان واحد

المهم ان الليله عدت على خير... ليلة ايه بقى ده كان الصبح طلع خلاص... بس بعدها دخلنا فى النوم عالطول و كويس اننا كنا عاملين السفر بعدها بيوم علشان ناخد وقت نريح فيه شويه فى الهوتيل
بعدين انا عرفت انى انا مش لوحدى... فى كتير ليلة الدخله بتاعتهم بتبقى اوحش من كده بكتير... اللى بيلاقى صعوبه فى عمليه الانتصاب و اللى عنده مشكله فى عمليه الايلاج و اللى عنده قذف سريع و الحاجات التانيه بقه
ما ينفعش الواحد يتعرف عن الليله دى... ليله الدخله من قرايبه او معارفه او حتى صحابه... شكرا يا حوس على النصايح بس انا عاوز اقول حاجه... ان كل واحد قبل الجواز بيبقى متخيلها بشكل معين بالنسبه ليه هوه بس... و كل واحد بيختلف عن التانى

الحمد لله انى ما دخلتش فى اى علاقات كده و الا كده قبل الجواز علشان فعلا الواحد بيحس بعد ليله الدخله بتاعته ان ده احسن حاجه حصلت ... بالرغم ان ده ممكن ما يبقاش حقيقى... انا و س بينا كيميا معينه ماحدش يقدر يعلمهالنا غير احنا بس... انا طبعا عمرى لغايه الوقتى ما قلتها عن كلامى مع حوس و القلق اللى انا كنت فيه يوميها ... بس كانت ايام جميله و لذيذه كل ما افتكرها اضحك
انا مش عارف ليه لازم ليلة الدخله تكون عالطول طوالى بعد الفرح ما يخلص... ليه ما ينفعش تبقى بعدها بيوم... او يومين... او حتى تلاته

و على فكره... بعد الفرح بشهر جالى خاطر غريب اوى فى بالى... قلت هوه ده اللى انا كنت مستنيه طول حياتى... و بقه كل التخيلات و الاوهام والاحلام و كل التعب ده علشان الواحد يتجوز... اه فى الاخر الموضوع كان حلو... بس يعنى ما كنش اوى روعه تحفه خالص يعنى زى ما الواحد كان متصور قبلها... ايام الشاب المحروم

Rebellious Dwayne

This film had this magical effect on me.
It changed my point of view in a devastating period of my life when I was totally depressed and confused, the time when I wanted to quit everything in life…family, friends, college, blogging …everything.

This is the master scene in the film…the wake up call that shook my head.
At this moment I decided to continue my miserable life…to have a new start…and a new philosophy.
I wish I had had a chance to see Little Miss Sunshine before I chose the wrong path of the life I am stuck in right now.

Dwayne and Frank are chatting at the end of an old wooden bridge and looking at the open sea.
The atmosphere is foggy and the current is very strong.
The sea breeze is flicking Frank's hair. The wind is sculpting Dwayne's thin body shape with his black and white Nietzsche t-shirt.
Dwayne:
Sometimes I just wish
I could go to sleep till I was 18...
and skip all this crap... high school
and everything... just skip it.

Frank:
You know Marcel Proust?

Dwayne:
He's the guy you teach.

Frank:
Yeah.

French writer.
Total loser.

Never had a real job.

Unrequited love affairs. Gay.

Spent 20 years writing a book
almost no one reads.

But he's also probably
the greatest writer since Shakespeare.

Anyway, he, uh...
he gets down to the end of his life...

and he looks back and decides
that all those years he suffered...

Those were the best years of his life,
'cause they made him who he was.

All the years he was happy??? You know,
total waste. Didn't learn a thing.

So, if you sleep until you're 18...

ah, think of the suffering
you're gonna miss.

I mean, high school? High school...
Those are your prime suffering years.

You don't get better suffering
than that.

Dwayne turns his back to the sea, changing his forward-leaning posture to an upright standing position and says:
You know what?

Fuck beauty contests.

Life is one fucking
beauty contest after another.

You know, school,
then college, then work?

Fuck that.

And fuck the Air Force Academy.

If I wanna fly,
I'll find a way to fly.

You do what you love,
and fuck the rest.

The sea birds sounds are floating on rolling waves.
Frank says:
I'm glad you're talkin' again, Dwayne.

You're not nearly as stupid as you look.

Wanna go back?

Dwayne smiles:
Not really.

Dwayne looks back to the infinite sea and says:
Yeah, we should go back.

I am sure everyone will like this film.
This little indie won 2007 Oscar for original screenplay…no doubt this is the real comedy…and not Saad's next summer blockbuster KarKar.

Life is like a yellow van with a broken clutch and a faulty horn that will not stop honking ;-)

City Stars, je t'aime

سيتى ستارز... رمز المدينة المثالية لكل المصريين
المدينة الفاضلة...المدينة الجميلة
تبهر كل زوارها ببريقها و تألقها الدائم
و تعطى لكل روادها الشعور بالراحه و الرضا و الأمان
و هذا ما دفع ابو سيد و اسرته لترك مدينته المظلمه
وزياره المدينه التى يتكلم عنها الناس
مدينه النور
مدينه الاحلام

ياله يا وليه
صحى العيال وصلنا
ايوه هنا ياسطه
ممكن تحاسب شويه
تعاله يمين او شمال بس ماتقفليش فى النص
و خلى المدام تعدى
ياله يا ام سيد
يا سيد... بت يا فوزيه...اصحى يا بت وصلنا خلاص
ماما عاوزه اشرب
لما نروح هناك تبقى اشربى
عارف انت موادينه على فين
يا وليه اسكتى شويه ... مش عاوز كلام خالص
اله... ما تسيبنى افضفض شويييه...يعنى انت واخدنا
تفسحنا و لا يعنى واخدنا تفسحنا
اله... يا راجل...فثثث

من فضلك ما تعرفش سيدى زطاريز فين
امشى عالطول و اول فاتحه يمين حتلاقى جامع هوه اللى فوشك
متشكرين... ياله يا سيتى
بابا...انا تعبت مالمشى
يا راجل جاى تفسح العيال فى حته اطيعى...ده المكان كله كحل
اسكتى يا وليه لاحسن...
لاحسن ايه...ما انا عارفه... اليوم ده مش حايعدى على خير...اااهههخ منك... جايبنى بالعيال على مالا وشى و انت مش عارف مودينا على فين
ماما... انا عاوزه ميه
عاوزه لبان سماره...خدى لبان سماره...واد يا سيد... عاوز انت لبان كمان
هوه انا قولتيلك تيجى خالص... انتى يا وليه اللى عماله تزنى على ودنى و تقوللى ودينا سيدى زيطارز ودينا سيدى طراز لغايه ما دوشتينى
ماهو ام محمود راحت بالعيال لسيدى طياز الاسبوع اللى فات و قالتلى المكان حلو اوياوياوي و عيالها امبصتوا اوياوياوي

من فضلك فين سيدى طارز
هناك اهو
هييييييهه
سيد...سيد...تعاله هنا يا واااد... انت يا ولد
ماما ماما...فى سلعوه حاتعضنى
اجرى يا بت بعيد عن الكلب
بابا...همه ماسكين السلعوه بالحبال ليه
بسم الله الرحمن الرحيم... يا جمال الاهرامات... يا حلوتك يا ابو الهول... اله... مش شايفه ابو الهول
هوه الدخول منين لو سمحت
من الباب اللى جاى ده
فوزيه...سيد...تعالوا هنا

بيييييب
من فضلك لو معاك موبايل او مفتاح تحطه هنا
معناش حاجه يا فندم
الجهاز بيصفر
اكيد معاك اى حاجه معدنيه
اله يا اخى... مالراجل قالك معهوش...خلونا نعدى بقه
يلا يا بت... يا سيد... تعالوا هنا
يا مدام ما ينفعش كده
اوعى كده دى حاجه تطههأ الله...المكان ده حلو اوياوياوي
ماما عاوز اطلع بالمرجيحه
خد بالك يله مالسلالم...الله... ما شاء الله... ايه الحلاوه دى
دى الدنيا منوره اكتر مالافراح
يامه... انا عطشانه
بس...مش عاوزه اسمع اى كلمه بعد كده... فاهمه

ياله ندخل المحل ده... لأ ده... طب ندخل ده...دى المحلات دى معندهاش ذوق خالص... كله فانلات و كلتات و الذى منه... اده... ايه المناظر دى... شوف ياختى البت ماشيالى ازاى تترقصنى...ايه يا راجل...بتبص على ايه... اله... بص النحيادى
شوف الشابه يا عين امها ماشيه ملط خالص... مش لاقيه اى هدمه تتغطى بيها
اده اده اده... ايوووه... الوليه ماشيه مع جوزها و عيالها و مش مكسوفه من اللى لابساه... رجاله اخر زمن
شوف يا ابو سيد الواد عامل فى شعره اراجوز و البنطلون حيقع منه... هىء هىء هىء
اده اده اده...شوف الواد حاضن البت ازاى...اده... ده راح يحضن فى بت تانيه
ما تنقطينا بسكاتك ياوليه لاحسن ارجعك انت و العيال طوالى عالبيت
بابا عاوزين سندويتشات فول
فى مطاعم هناك اهوه
بابا و انا عاوزه عصير قصب
من فضلك عاوزين اربع سندويتشات زى اللى بياكلوه هناك ده و عصير
حضرتك عاوز اتنين كمبو و اتنين هابى ميل
ايوه اللى انت بتقول عليه ده
و العصير ميديام و الا لارج
لارج... لارج خالص
الحساب سته و خمسين جنيه و نص
نعم...ليه... دول اربع سندويتشات و عصير...خلاص... الف شكر...مش عاوزين
ايه يا راجل... نفسنا ناكل زاى الناس اللى بتاكل دى...العيال جعانين
لما نرجع نبقى ناكل فى البيت
ماما عاوز اشرب
طب تعاله اروح بالبت نشربها من اى كولدير هناك

كل اللف ده و ما فيش كولدير واحد فى المكان ده
تعالوا نقعد هنا شويه
حاتى شويه لب من المعاكى...لأ لب اسود
يا حلوتك يا ام سيد... الدنيا هينا تراوه اوياوياوي
لو سمحت حضرتك طالب حاجه
لأ الف شكر يا باشا
هوه حضرتك المينيموم شارج هنا خمسه و تلتين جنيه
للفرد
الف شكر يا باشا
حاتى شويه لب كمان
يا ابو سيد... الراجل واقف جنبنا ليه و بيبصلنا
انا حستأذن حضرتك انك تتفضل بالعيله فى اى حته تانيه
انا عمال اكلمك باحترام و شكلك كده مش نازلنى من الزور

دايما كده بتلبخى فى الكلام يا وليه... لو كنتى سكتى بس
يا راجل مش كده احلى ... نستربع كده على البلاط الفشتفى
من فضلك فين الحمام
ياله يا وليه روحى شربى البت فى الحمام

يا سلام على الحلو اللى ماشى ده...قمر...قمر ماشى و بيتمختر... طب خد بالك لحسن تقع
بابا بابا...هوه العربيات دى عرفت تطلع لفوق كده ازاى
و الله يابنى مش عارف
تعاله نروح نشوف السيما فيها ايه
اده... كل ديييى افلام ... لو سمحتى التذكره بكام...كام... لأ متشكرين
يا بابا عاوز اشوف
مافيش شوف
يااااهوووو... بت جامده... اوووف... اده... بولدوزر... أااه... سيد...ماتبعتش... تعاله هنا...مممم... الله على جماله... يا حلوه انتى يا سكره... اده اده... هوه ده واد و الا بت
سيد...تعاله نروح نجيب امك من الحمام

فوزيه... بت يا فوزيه... انت فين يا فوزيه... يالاهوى... البت تاهت... يا ابو سيد يا ابو سيد... مش لاقيه البت... دخلت اتسير و طلعت ما لقتهاش
مش قولتلك تاخدى بالك منها كويس...يخرب بيت اللى خلفوكى
ااااه يانى... يا غلبى يانى... بتى ضاعت... يا مدام الله ينوبك ثواب ماشوفتيش بت ماشيه من هنا...طب ماتبصليش كده من تحت لفوق... جتيك داهيه تاخديك

بينج بانج بونج...بونج بانج بينج... عثر على فتاه صغيره اسمها فوزيه و هى تبحث عن اهلها... يرجو التوجه الى الباب الرئيسى لاستلامها و شكرا

فى هذه اللحظه صرخت ام سيد بصوت هز الدور الثانى كله من سيتى ستارز : فوزيه... فوزيه... يا ضنى امك يا فوزيه

و هنا حمل ابو سيد ابنه سيد و امسك بيد زوجته و ابتسامه الامل ترسم بخط عريض فى وجهه الاسمر ليبدأوا معا فى العدو نحو باب الخروج من هذا الحلم الجميل

Bubble Life aka Today Is Not Yesterday Of Tomorrow

Do you think you are living in the present time?
You are already dead. You lived your life. You have done what you wanted to do.
This life you are living right now is called the bubble life. It is the part of replaying the video tape of your actual life.
Bubble life creates an effect of fake reality.
In other words you do feel that you are in the present time while you are actually in the past.
You leave your house in the morning heading to your office and thinking what you are going to eat with your family in the evening...you do not know that you have done that already because you do not have any evidence that you have done that before.
Do you know why...because your memory has been erased only for your comfort!
Do not tell me that history is not history.
Yes this is true. And the future is not history too.Now is not a point in time and space.
The lives of dinosaurs, Pharaohs, Romans, World War II, 9.11 , war in Iraq and all what is going to happen in the future is already there.
Could this mean that you had the opportunity to choose what to do and what not to do but now you have this inside feeling telling you that you have no control on your life?
Maybe this is the reason, you could never believe that you are not in the present, and that you already have killed/are going to kill someone accidentally with your car and ran/are going to run away...and you have been/are going to be punished...because you are already dead aka alive.
The act of yawning you do from time to time is not more than a countdown of the final days of your fake solipsism existence.
When you go to shower and see this soap bubble and you blow inside it what happens...it increases in size.
So when you bring this big soap bubble closer to another small bubble what happens...does it increase in size or do they both merge into each other?
What happens when this bubble bursts?
Could your life be just like that?
_
You will see.

أنا مش موزه

روحت خروجه مع صاحبتى الانتيم و صحباتها التانيين لسبكترا كافييه...و طول ما همه كانوا عمالين يرغوا كنت ببص على اتنين كبلز حلويين فى الترابيزه اللى ادامنا...شكلهم مخطوبين...و كانوا جايبين براونى اون ايس و هي كانت بتأكله بالمعلقه فى بقه...و لما بقه يتلحوس شكلاته كانت بتمسحها بصباعها و هو بيتضحكلها...مروه صاحبتى كانت كل شويه بتسألنى أنا سرحانه ليه و أقولها ما فيش حاجه...بس كان فى حاجه...حاجات كتير فى الحقيقه...كنت متدمره من جوه...كنت باسأل نفسى كتير... يا ترى ليه أنا طلعت كده...ده أنا قربت على التلاتين سنه و عمر ما ولد كان مهتم يتكلم معايه...اكيد كان فى ولاد بتتكلم معايه بس علشان يسأل عن مواعيد الامتحانات أو السكاشن أو يصور ورق منى...صحباتى بيقولوا عليه أنا لذيذه و كل حاجه و دمى خفيف... بس الحقيقه إن أنا مش شكلى حلو...مش شكلى حلو خالص...أنا عارفه انى طول عمرى و وزنى زايد...بس التخن ده بجد مش قادره استحمله خلاص...و كتير اوى جربت رجيمات مختلفه و ما فيش فايده...و بعدين بشرتى للأسف سمره و ده ماليش دخل فيه اظن يعنى...و كمان عندى كده حبوب بتطلع فى وشى فى الحر و حولين البندانه بتاعت الحجاب...و الحجاب مخللى وشى مدور اكتر من اللازم...الحمد لله انى عالجت مشكله النظاره...بس ما فيش حد مهتم بيه... و صاحبتى ما شاء الله جميله و حلوه و كذا واحد اتقدملها... أنا مش بحسدها و لا حاجه...بس أنا اكتشفت حاجه...اكتشفت إن فى الزمن اللى احنا عايشين فيه حاليا المظهر فعلا بقى اهم حاجه...انا فاكره لما كنت بتقدم للوظيفه اللى قبل اللى انا فيها دالوقتى الراجل اللى كان بيعمل لى الانترفيو قال لى انى لازم اقلل من وزنى شويه و بعدين ابقى اجى اقدم السيفى بتاعى... انا بتهيألى انه كان نفسه يقول لى انتى شكلك وحش بس كان محرج...فيه بنت تانيه الكواليفيكاشنس بتاعتها اقل منى بكتير و اتقبلت فى الشغل...انا فاكره كمان مره لما كنت فى الكليه و كنت ماشيه مع صحباتى و وقفنا اتكلمنا مع زمايل لينا و بعد ما مشينا سمعت من ورا ضهرى واحد من الولاد بيقول لصاحبه ان البنت اللى لابسه اخضر زى القمر و جسمها حلو فواحد تانى قال...بس البنت المحجبه دى اللى معاها شكلها وحش خالص...ازاى تمشى معاها اساسا...و أنا البنت الوحيده المحجبه اللى كنت ماشيه معاهم...اتجرحت جدا من الكلام ده مع انى عارفه انه حقيقه...أنا بقول الحمد لله على كل شىء و صارحت ماما كتير فى الموضوع ده و هي كانت بتطمنى و بتقول لى انتى الف من يتمناكى...بس الوقتى ماما مابقتش بتقول لى أى حاجه...و أنا حاسه انها خايفه لحسن ما اتجوزش خالص... حبيبتى يا ماما... نفسى افرحها...أنا كتير بقول لنفسى و ايه يعنى لو ما اتجوزتش...أنا الوقتى فى شغل أنا مبسوطه فيه اوى و اقدر احقق بيه احلامى...و كمان انا كنت بفرح لما باخرج مع صحباتى... بس معظمهم اتجوزوا الوقتى...فى مشاعر جوايه كده بتطلع أنا عارفه انها غلط بس مش قادره امسكها... يعنى لما بروح افراح صحباتى باحس كده بألم من جوايه...أنا بحاول انى افرحلهم بس زعلانه اوى من نفسى و من حالى...ساعات باقول لنفسى هوه علشان انا مش شكلى جميل و وزنى زايد حبتين يبقى لازم اتجوز واحد شكله وحش و اصلع و تخين...اهلى ما عندهمش مانع...انا اختى لسه ما خلصتش جامعه بس انا حاسه ان ماما عاوزه تجوزنى بسرعه قبل اختى...مش عارفه بابا الف رحمه و نور عليه كان حايبقى موقفه ايه بالنسبالى...بس أنا متأكده انه كان حيبقى عاوزنى ابقى مبسوطه و سعيده فى حياتى حتى لو ما اتجوزتش...ليه لازم البنت فى بلدنا دى تتجوز...كتير بافكر انى اعيش فى بيت لوحدى و ابقى مستقله بنفسى... بس أنا باحب الاطفال اوى و نفسى يبقى عندى بنوته كده جميله و صغيره...و اديلها الحاجات بتاعتى لما تكبر... انا خايفه اوى لما اكبر و اعيش وحيده زى خالت بابا الله يرحمها... كانوا بيحكولى انها عمرها ما اتجوزت و ماتت وحيده فى المستشفى... حاجه تخوف ان الواحده ما يبقاش عندها اهل و عيله تخاف عليها... و الحاجه اللى أنا بحاول ما فكرش فيها خالص موضوع انى مقدرش اتخيل نفسى اعيش طول حياتى لغايه ما اموت من غير ما اجرب حق شرعى ربنا مديهولنا و هى العلاقه الزوجيه... معقول نهايتى تبقى كده...أنا مقدرش اتجوز واحد ما بحبوش لمجرد انى استر نفسى و اشبع غريزه جوايه بتزيد يوم بعد يوم...انا عارفه ان ربنا سبحانه و تعالى مخليلى الاحسن فى الاخر و انى مش لازم استعجل...بس فى ناس كتير أوى بتتكلم عليه...و بعدين بقيت باحس بضعف و بشوف الشفقه فى عينيهم...و فى حاجه كده حصلت لى من شهرين مش عارفه اعمل فيها ايه...أنا باستغفر ربنا عليها كل يوم بس مش عارفه اعمل للمشكله دى ايه...فى فبراير اللى فات فى واحد جديد اتعين فى المكتب عندنا... هو مؤدب جدا و متدين كمان و شكله ما شاء الله زى القمر...كتير أوى بقعد ابص عليه فى الشغل...أنا عارفه ان ده غلط... و كمان فى اوقات بفبرك مشكله او موقف فى الشغل علشان اروح اتكلم معاه عليها... هو بصراحه ظريف جدا معايه و كل حاجه بس مش اكتر من كده... على فكره ضحكته حلوه اوى... انا عارفه انى باحلم و عارفه ان ده لا يمكن يحدث... لا يمكن طبعا اقول له عن شعورى... أنا لسه ما حكيتش الموضوع ده لماما أو اى حد فى البيت غير اختى... و مره عملت حركه انا ندمانه عليها اوى لما كان عيد ميلاده و روحت لميت فلوس من كل الستاف اللى فى الشغل علشان نجيبله هديه...حسيت انى عملت حاجه مش مظبوطه... هيه مش اول مره نجيب لحد هديه فى الشغل بس زميلتى مره لمحت لى انى مهتمه اوى ليه من الموضوع ده كده...أنا مش عاوزه اتكلم على الموضوع ده خلاص...شكلى كمان بيبقى غبى اوى و أنا بتكلم معاه...بستظرف كتير اوى و بضحك بس ده اللى بيخلينى ما بقاش شكلى مرتبك و انا بكلمه... امبارح بقه كل ده دار فى دماغى و انا فى سبكترا... و لما جابوا لى الاكل كان طعمه مش حلو خالص... كنت طلبه كاليمارى محمر و لقيتهم جايبين لى كاليمارى خاسس خالص... زمان كانوا فى سبكترا بيعملوا الكاليمارى حلو خالص و بيبقى كبير و مقرمش...ما كلتش غير اتنين و شربت بيبسى دايت و بس...ما كنش ليه نفس اكل خالص مع إن المنيمام كان كتير...و بصيت على الاتنين الكبلز و الولد بيسمع خاطبته اغنيه على الموبايل بتاعه... و بصيت على مروه و صحباتها و همه بيتكلموا و بيضحكوا... و يومى انتهى لما لقيت الولد طلب الشيك و مسك ايد خاطبته و بتوع المطعم فتحولهم الباب و فضلت ابص من الازاز و همه ماشيين بره المطعم ... و بس... كفايه كده... مش عارفه اقول ايه كمان